Qyrymbek Kósherbaev joǵary memlekettik nagradalardy tabys etti
Bul týraly Aqordanyń baspasóz qyzmeti málim etti.
Qyrymbek Kósherbaev Táýelsizdik elimizdi álemge azattyq súıgish, rýhy bıik, namysy berik halyq retinde tanytqanyn atap ótti.
– Týǵan halqynyń senimin arqalaǵan Elbasy men Qazaqstan egiz uǵymǵa aınaldy. Nursultan Ábishulynyń bolashaqty boljap, keleshekti kóre bilgen kóregen saıasatynyń arqasynda Táýelsizdikpen birge qoǵamnyń tutastaı jańasha oılaý júıesi qalyptasty. Táýelsiz Qazaqstannyń týyn tiktep, shekarasyn shegendep, álemdik arenada óz ornyn oıyp turyp alýyna Tuńǵysh Prezıdent – Elbasy Nursultan Ábishuly Nazarbaev eren eńbek sińirdi. Al Memleket basshysy Qasym-Jomart Kemeluly Toqaev Elbasy qalyptastyrǵan dańǵyl joldy «Sabaqtastyq, Ádilet, Órleý» prıntsıpterimen laıyqty jalǵastyryp keledi. «Halyq únine qulaq asatyn memleket» tujyrymdamasyn iske asyryp, elimizdiń odan ári damýyn qamtamasyz etip otyr. Osylaısha, biz qysqa merzimde ǵasyrǵa para-par jasampazdyq jolyna túse bildik, – dedi Memlekettik hatshy.
Qyrymbek Kósherbaev osy otyz jylda Qazaqstannyń jańa kelbeti qalyptasqanyn, memleketimiz jańǵyryp, halqymyzdyń qaıta túlegenin aıtty. Taǵdyry ortaq, tutastyǵy myqty kópultty halqymyzdyń tatýlyǵyn saqtaý búgingi kúnniń basty maqsaty ekenine toqtaldy.
– Ulysymyz úshin ulyq, memleketimiz úshin mártebeli mereke – Táýelsizdiktiń 30 jyldyǵy qarsańynda Qazaqstan Respýblıkasynyń Prezıdenti Qasym-Jomart Kemeluly Toqaev elimizdiń qoǵamdyq-saıası, áleýmettik-ekonomıkalyq damýyna erekshe úles qosyp júrgen Sizderdeı azamattardy joǵary memlekettik nagradalarmen marapattady. Bul – Sizderdiń jyldar boıy atqarǵan tynymsyz eńbekterińizge berilgen zor baǵa, – dedi Qyrymbek Eleýuly.
Jıyn sońynda Memlekettik hatshy marapat ıelerine joǵary memlekettik nagradalary men syılyqtaryn tabystap, aldaǵy jumystaryna tabys tiledi.
