Qyrkúıekte elimizdegi ınflıatsııa 0,5 paıyzdy qurady
Atap aıtqanda, baǵa azyq-túlik taýarlaryna ótken aıda 0,3 paıyz, azyq-túlik emes taýarlaryna - 0,5 paıyz, aqyly qyzmetterge - 0,7 paıyzǵa ósti. Sonymen qatar, ótken aıda respýblıka boıynsha ortasha baǵa ósimi qııarǵa 22,9 paıyz, lımonǵa - 17,2 paıyz, taýyqtyń sıraǵyna - 5 paıyz,, taýyqqa - 4,3 paıyz, kúrishke - 3,1 paıyz,, unǵa - 2 paıyz, shıki sútke - 1,6 paıyz, ósimdik-sary maıǵa - 1,2 paıyzǵa, jańa aýlanǵan balyqqa, qyshqyl sút ónimderine, súzbege - 1 paıyz, sókke, shujyq, et ónimderine - 0,9 paıyz, nanǵa, kondıterlik ónimderge - 0,8 paıyzdan, makaron ónimderine - 0,7 paıyzǵa belgilendi.
Al baǵanyń tómendeýi júzimge 11,1 paıyz, kartopqa - 10,7 paıyz, jańadan jınalǵan kókónisterge - 8,7 paıyz, almurtqa - 4,7 paıyz, qantqa - 1,1 paıyz, qaraqumyq jarmaǵa - 0,6 paıyzǵa tirkelgen.
Budan bólek, baǵalar deńgeıi jýǵysh jáne tazalaǵysh quraldarǵa 0,8 paıyzǵa, kıim jáne aıaq kıimderge, farmatsevtıkalyq ónimderge, jeke paıdalanýǵa arnalǵan taýarlarǵa - 0,6 paıyzdan, qatty otynǵa - 0,4 paıyzǵa ósti.
Baǵa deńgeıi avtomobıl jolaýshylar kóligi qyzmetterine 3,2 paıyz, bilim berý - 2,4%- paıyzǵa, densaýlyq saqtaý, demalys, oıyn-saýyq jáne mádenıet salasyndaǵy qyzmetterge - 1,4 paıyzdan, meıramhanalar men qonaq úıler - 0,6 paıyzǵa joǵaryla,an. Al alys qashyqtyqqa qatynaıtyn jolaýshylardyń temir jol kólik qyzmetterine - 3,8 paıyz, jolaýshylar áýe kóligine - 1,8 paıyzǵa tómendedi. Turǵyn úı-kommýnaldy qyzmetter salasynda tarıfter taratý jelileri boıynsha tasymaldanatyn gazǵa, qoqys jınaýǵa 0,8 paıyzdan, ystyq sýǵa - 0,6 paıyz, sýyq sýǵa - 0,2 paıyz qymbattaǵan.