Qyrkúıek aıynda ınflıatsııa 0,6 paıyzdy qurady

ASTANA. 1 qazan. QazAqparat -  Aǵymdaǵy jyldyń qyrkúıek aıynda elimizdegi ınflıatsııa 0,6 paıyzdy qurady, - dep habarlady QR Statıstıka agenttiginiń baspasóz qyzmetinen.

Baǵa azyq-túlik taýarlaryna ótken aıda 0,4, azyq-túlik emes taýarlarǵa - 0,2, aqyly qyzmetterge - 1,3  paıyzǵa ósti. Ótken aıda baǵanyń joǵarylaýy unǵa 3,5, jańa jınalǵan kókónisterge - 1,1, kúnbaǵys maıyna - 1, nanǵa - 0,7, balyq jáne teńiz ónimderine - 0,6, toqash jáne unnan daıyndalatyn kondıterlik ónimderge - 0,5, kúrishke, makaron ónimderine, jumyrtqaǵa - 0,4, kondıterlik ónimderge - 0,3, etke jáne qus etine, sút ónimderine  0,2 paıyz deńgeıinde belgilendi. Baǵanyń tómendeýi jańa jınalǵan jemisterge 0,4, jarmalarǵa - 0,7, qantqa  1,3 paıyz sheginde tirkeldi.

Baǵa qatty otynǵa 2, keńse taýarlary jáne syzba quraldaryna - 0,9, turmystyq toqyma buıymdarǵa - 0,5, kıim jáne aıaq kıimge - 0,4, farmatsevtıkalyq ónimderge  0,2 paıyzǵa qymbattady.

Baǵa deńgeıi bilim berý qyzmetterine 7,8, demalys, oıyn-saýyq jáne mádenıet, meıramhanalar men qonaq úıler - 0,6, densaýlyq saqtaý - 0,5, shashtarazdar jáne jeke qyzmet kórsetý oryndary - 0,4, kólik  0,2 paıyzǵa ósti.

Turǵyn úı-kommýnaldyq qyzmetter salasynda tarıfter ystyq sýǵa 3,5, kárizge - 1,5, sýyq sýǵa - 1,4, elektr energııasyna - 1,1, qoqys jınaýǵa  0,7 paıyzǵa joǵarylady.