Qyrǵyzstan Ulttyq banki eldegi bank pen qarjy uıymdarynyń jumysyn toqtatýdy usyndy

BІShKEK. KABAR - QazAqparat – Qyrǵyzstan respýblıkasynyń Ulttyq banki eldegi qarjy-bank sektorynyń qaýipsizdigi men qarjy-nesıe uıymdary aktıvteriniń saqtalýyn qamtamasyz etý maqsatynda kommertsııalyq bankter jáne banktik emes qarjy-nesıe uıymdaryna 6 qazan kúni qyzmetin toqtatyp, qaýipsizdik sharalaryn kúsheıtýdi usynyp otyr, dep habarlaıdy QazAqparat Qyrǵyzstannyń KABAR agenttigine silteme jasap.

Vedomstvonyń baspasóz qyzmetiniń málimdeýinshe, Ulttyq bank qarjy qyzmetin usynýǵa baılanysty máselelerdiń týyndaýy jaǵdaıynda qarjy uıymdaryna onlaın qyzmet kórsetý (telefon, elektrondyq poshta, áleýmettik jeliler jáne messendjerler jáne t.b.) arqyly júginý qajettigin aıtyp otyr.

«Jumys ýaqyty, qyzmet túrleri týraly aqparat qarjy uıymdarynyń ınternet saıttarynda qoljetimdi bolady. Ulttyq bank jaǵdaıdy qadaǵalap otyr jáne qajettilik týyndaǵan jaǵdaıda eldegi qarjy jáne bank júıesiniń turaqtylyǵy men qaýipsizdigin qamtamasyz etý úshin sharalar qabyldaıdy», - delingen málimdemede.