Kvazımemlekettik kompanııalardyń satyp alýlaryna baqylaý kúsheıtildi
ASTANA. KAZINFORM — Qarjy mınıstrligine taýarlardy, jumystar men kórsetiletin qyzmetterdi satyp alý kezinde kvazımemlekettik sektor sýbektileri jasaǵan ákimshilik quqyq buzýshylyq týraly isterdi qaraý quzyreti berildi. Joǵary aýdıtorlyq palatanyń usynymy boıynsha zańnamaǵa túzetýler engizildi.

Ákimshilik quqyq buzýshylyq týraly kodekste tıisti normanyń bolmaýy kvazımemlekettik sektor sýbektilerin buzýshylyqtary úshin ákimshilik jaýaptylyqqa tartýǵa múmkindik bermedi.
Úkimetke zańnamalyq kollızııalardy joıý maqsatynda Ákimshilik quqyq buzýshylyq týraly kodekske ózgerister men tolyqtyrýlar engizý usynyldy. Atap aıtqanda, Qarjy mınıstrligine taýarlardy, jumystardy jáne kórsetiletin qyzmetterdi (ÁQtK-niń 207-1-baby boıynsha) satyp alý kezinde kvazımemlekettik sektor sýbektileri jasaǵan ákimshilik quqyq buzýshylyq týraly isterdi qaraý quzyretin bekitý.
2025 jylǵy 10 qańtarda «Ákimshilik quqyq buzýshylyq týraly» Kodekstiń 722-babynyń birinshi bóligine túzetýler engizildi.
— Nátıjesinde Qarjy mınıstrligi kvazımemlekettik kompanııalardyń satyp alýlaryndaǵy buzýshylyqtarǵa jedel den qoıyp, óz tergeýleriniń qorytyndysy boıynsha jaýapqa tartýǵa múmkindik aldy. Satyp alý qaǵıdalaryn buzǵany úshin ákimshilik jaýapkershilik táýekelin túsiný kvazımemlekettik sektor sýbektilerin normalardy muqııat saqtaýǵa yntalandyryp, jalpy satyp alý tártibin arttyrady. Bul rette anyqtalǵan buzýshylyqtardy taldaý Qarjy mınıstrligine júıeli problemalardy anyqtaýǵa jáne satyp alý protsesterin odan ári jetildirý úshin normatıvtik-quqyqtyq bazaǵa ózgerister engizýge múmkindik beredi, — delingen Joǵary aýdıtorlyq palatanyń habarlamasynda.
Esterińizge sala keteıik, 2022 jylǵy 1 aqpanda Memleket basshysy Qasym-Jomart Toqaev sybaılas jemqorlyqqa qarsy is-qımyl máseleleri jónindegi keńes barysynda barlyq memlekettik satyp alý júıesin jáne kvazımemlekettik sektordaǵy satyp alýdy qaıta qaraý týraly tapsyrma bergen bolatyn.
Buǵan deıin tsıfrlyq sala boıynsha memlekettik aýdıt tekseris júrgizgen edi.