Qujattaǵy aty-jónge «kelini», «nemeresi» sózderin tirkep jazýǵa bola ma

ASTANA. KAZINFORM –Ádilet mınıstrliginiń resmı ókili Talǵat Ýálı vedomstvonyń baspasóz máslıhatynda adamnyń tegin qujatqa jazýdyń tártipterine toqtaldy.

«Sońǵy ýaqytta qoǵamda jıi qozǵalatyn jáne jýrnalıster tarapynan jıi qoıylatyn suraqtardyń biri azamattardyń tegin, atyn, ákesiniń atyn berýge qatysty jaıtqa túsinikteme bereıin. Bul norma «Neke jáne otbasy týraly» kodekspen retteledi. Ádilet mınıstrligi el azamattarynyń aty, tegi, ákesiniń atyn ózgertý týraly arnaıy statıstıka júrgizbeıdi. Alaıda, bizdiń málimetimizshe, jyl saıyn orta eseppen 12 myń adam aty-jónine ózgerister engizedi», - dedi ol.

Aıtýynsha, azamattar ádilet organdaryna kóbinese aty-jóninde beıádep sóz bolýymen jáne jazylýynda orfografııalyq qate ketken jaǵdaımen baılanysty júginedi.

«Sonymen birge, «Neke jáne otbasy týraly» Kodekste jeke tulǵanyń tegin «tegi», «urpaǵy», «nemeresi», «shóberesi», «kelini» jáne t.b. sózderdi qosyp jazýǵa jol berilmeıdi dep bekitilgen», - dedi Talǵat Ýálı.