Kúzgi egin oraǵyna qansha dızel otyny bólindi
ASTANA. KAZINFORM — Kúzgi egin oraǵy naýqanyn janarmaımen qamtamasyz etýge daıyndyq qalaı júrip jatyr. Bul suraqqa Energetıka mınıstrligi jaýap berdi.
— Aýyl sharýashylyǵy mınıstrligi (AShM) jyl saıyn oblystardyń ákimdikterimen birlesip respýblıkanyń aýyl sharýashylyǵy taýarlaryn óndirýshilerdiń munaı ónimderine qajettilik kólemin aıqyndaıdy. Atalǵan vedomstvo fermerlerge kúzgi ekin oraǵy jumystaryn júrgizýge dızel otynyn jetkizý kólemi týraly Energetıka mınıstrligine usynystar engizedi. Bıylǵy maýsymda Energetıka jáne Aýyl sharýashylyǵy mınıstrlikteri 2025 jylǵy 1 shilde men 1 qarasha aralyǵynda «Kúzgi dala jumystaryna 403 myń tonna dızel otynyn jetkizý kestesin» bekitti, — delingen mınıstrliktiń Kazinform agenttigine bergen jaýabynda.
Energetıka mınıstrligi aqparatyna qaraǵanda, mejeli stantsııaǵa deıin tasymaldaý shyǵyndaryn eskere otyryp, baǵasy QQS-pen lıtrine 232 teńge, bul soma 27 paıyzǵa tómen (tamyz aıynda janarmaı quıý stantsııasyna eń joǵary baǵa — 319 teńge/lıtr).
Eske salsaq, Energetıka mınıstrligi bıyl kóktemgi egis naýqanyna 401 myń tonna arzandatylǵan dızel otynyn bóldi.
Budan buryn habarlanǵandaı, 2025 jyldyń basynda janar-jaǵarmaıdyń bólshek jáne kóterme baǵasyna qoıylyp júrgen shekti mejeni alyp tastaý týraly sheshim qabyldanǵan edi.