Kúzde elimizden 1,8 mln tonna egin eksportqa jóneltildi

ASTANA. KAZINFORM — Jańa eginniń 1,8 mln tonnasy eksportqa shyǵaryldy. Bul týraly QR Aýyl sharýashylyǵy mınıstrliginiń baspasóz qyzmeti habarlady.

«Qazaqstan temir joly» AQ-nyń málimetteri boıynsha, qyrkúıek-qazan aılarynda jańa eginniń tasymaly 2,2 mln tonnadan asty, onyń 1,8 mln tonnasy eksportqa shyǵaryldy. Bul kórsetkish ótken jyldyń osy kezeńimen salystyrǵanda 30%-ǵa joǵary», — delingen habarlamada.

Reseıge tasymaldaý shekteýsiz júrgizilip jatyr. Sońǵy eki aıda Reseıge 23,4 myń tonna taýar jiberildi, al Reseı arqyly tranzıttik tasymaldaý 113 myń tonnany qurady.

Aqtaý porty arqyly Iranǵa tasymaldaý sońǵy eki aıda 250 myń tonnadan asty.

Ortalyq Azııadaǵy dástúrli naryqtarda jańa eginniń tasymaly ótken jyldyń osy kezeńimen salystyrǵanda 30%-dan astamǵa ósti jáne 1 mln tonnadan asty.

Eske sala keteıik, buǵan deıin Aqmola oblysynda bıdaıdy tereń óńdeý zaýyty salynǵanyn jazǵan bolatynbyz.