Kúıeýbala qaıyn atasynyń atyna 4 mln teńgeden asa nesıe rásimdegen - Atyraý
Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtiń
málimetinshe, qaıyn atasynyń atyna bir jyl boıy nesıe rásimdegen kúıeýbala ustalǵan.
«Atyraý qalasynyń 1956 jylǵy turǵyny bankterden «nesıe qaryzyn tóleý boıynsha
kelisimshart talabyn oryndamadyńyz» degen qońyraýlar jıilegenine kúmándanǵan.
Máseleniń mán-jaıyn anyqtaǵanda 4 mln teńgeden astam nesıesi bar ekenin bilgen.
Alaıda, bul qarajatty ózi almaǵan. Sol sebepten polıtsııaǵa júgindi. Polıtsııa qyzmetkerleri shaǵymdanýshynyń 34 jastaǵy kúıeýbalasyn ustady. Tergeý kezinde kúdiktiniń qaıyn atasynyń senimine kirip, 2020 jyldyń qarashasynan 2021 jylǵy qazan
aıy aralyǵynda túrli bankter men qarjy uıymdarynan 55 myń teńgeden 2 mln teńge
kóleminde nesıe alyp kelgeni anyqtaldy. Kúdiktiniń alǵan nesıesiniń jalpy somasy 4 mln 499 myń 542 teńgeni qurady», -deıdi Qamza Úmbetqalıev.
Qazir atalǵan alaıaqtyq deregine qatysty QR Qylmystyq kodeksiniń 190-babynyń 3-
bóligimen sotqa deıingi tergeý júrip jatyr.
Eske sala ketelik, budan buryn Atyraýda erli-zaıypty alaıaqtar 150 mln teńgeni qaltaǵa
basqanyn jazǵan bolatynbyz.
