Qutqarýshylar jyl basynan beri 15 myńnan asa adamdy qutqaryp, evakýatsııalaǵan
Bul málimetterdi QR Tótenshe jaǵdaılar mınıstri ıÝrıı Ilın Almaty turǵyndarymen kezdesý barysynda málim etti, dep habarlaıdy QazAqparat.
«2022 jyldyń 8 aıynda elimizde tótenshe jaǵdaılar men oqıǵalar sany 1,8%-ǵa, qaza tapqandar sany 28,4%–ǵa jáne zardap shekken adamdar sany 4,2%-ǵa azaıdy. Almaty qalasy boıynsha TJ sany 10% – ǵa azaıdy, qaza bolǵandar sany 23% - ǵa qysqardy», - dedi ıÝrıı Ilın.
Tótenshe jaǵdaılardy joıý úshin mınıstrlik bólimsheleri 1 900-den astam ret shaqyrtýǵa shyǵyp, shamamen 450 adamdy qutqarǵan jáne evakýatsııalaǵan.
Jalpy respýblıka boıynsha qutqarýshylar tótenshe jaǵdaı ornyna 48 myńnan astam ret shyǵyp, shamamen 15,5 myń adam qutqaryldy jáne evakýatsııalandy, úsh myńnan astam zardap shekken adamǵa alǵashqy medıtsınalyq kómek kórsetildi.
«Tótenshe jaǵdaılar mınıstrligi tabıǵı jáne tehnogendik sıpattaǵy tótenshe jaǵdaılardyń aldyn alý maqsatynda is-sharalar keshenin júrgizedi. Atap aıtqanda sý tasqyny qaýip-qaterleriniń, sel men jer silkinisteriniń táýekelderin barynsha azaıtý, órtterdiń aldyn alý, qaýipti óndiristik obektilerdegi avarııalar men oqys oqıǵalardyń aldyn alý, sondaı-aq azamattyq qorǵaýdyń memlekettik júıesiniń jumys isteýin jáne damýyn qamtamasyz etý»,-delingen habarlamada.
