Qutqarýshylar shatyrdan túsetin qar men muz súńgilerinen saqtanýǵa shaqyrdy

ASTANA. QazAqparat - Astana qalasynyń tótenshe jaǵdaılar departamenti qalyń qar jaýýyna baılanysty ǵımarat shatyrlarynan qar jáne muz qulaý qaýpi baryn eskertedi, dep habarlaıdy QazAqparat elorda ákimdiginiń resmı saıtyna silteme jasap.

Sol sebepti saq bolyp, múmkindiginshe ǵımaratqa jaqyn júrmeý qajet.

Ǵımarattan shyqqan kezde qulaýy múmkin jerlerdi aınalyp ótý kerek. Balalardyń qaýipsizdigine de erekshe nazar aýdarǵan abzal.

Eger siz jaıaý júrginshiler jolynda kele jatyp, keleńsiz dybys estigen bolsańyz, joǵary qarap turmaı, tez arada qaýipsiz tusqa júgirýińiz kerek.

Múmkindiginshe ǵımarattar men qurylystardyń janyna kólik qoımaǵan jón, onda muzdar men qardyń qulaý qaýpi bar.

Ǵımarattardyń shatyryn qardan tazalaǵan kezde mindetti túrde qaýipsizdik talaptaryna sáıkes uıymdastyrylýy tıis, sol sııaqty jumys júrgizilip jatqan jerlerde júrýge tyıym salynatyn belgiler qoıyp, qorshalýy qajet.