Qutqarýshylarǵa ústemeaqy tóleý qaǵıdalary jańartyldy
ASTANA. KAZINFORM – Tótenshe jaǵdaılar mınıstriniń buıryǵymen apattan qutqarý qyzmetkerleriniń synyptylyǵyna qaraı ústemeaqy tóleý qaǵıdalary ózgertildi.
Qujatqa sáıkes, ústemeaqy kezeńdik attestatsııadan ótken jáne synyptylyq berilgen, sondaı-aq kezekten tys, qaıta nemese josparly attestatsııany rastaǵan qutqarýshylarǵa tólenedi. Ústemeaqy azamattyq qorǵaý salasyndaǵy ýákiletti organnyń aýmaqtyq organynyń nemese apattyq-qutqarý qyzmeti basshysynyń buıryǵy arqyly taǵaıyndalady.
- Eger qutqarýshy attestatsııadan ótpese, ústemeaqy tóleý toqtatylady. Tólem tek qaıta attestatsııadan sátti ótkennen jáne synyptylyǵyn rastaǵannan keıin ǵana qaıta beriledi. Synyptylyqty joǵaltqan nemese qaıtalaý attestatsııany rastamaǵan jaǵdaıda ústemeaqy tóleý toqtatylady, - delingen qujatta.
Ústemeaqy tólemin taǵaıyndaý, toqtata turý jáne toqtatý tártibi Qazaqstan Respýblıkasynyń Eńbek kodeksine sáıkes retteledi.
Buıryq 2025 jylǵy 2 qyrkúıekten bastap kúshine enedi.
Eske sala ketsek, osy jazda astanalyq qutqarýshylar baspanaly boldy.