Qutqarýshylar Karelııada apatqa ushyraǵan Mı-8 ushaǵy ekıpajynyń denesin tapty

ASTANA. KAZINFORM - Qutqarýshylar Karelııadaǵy Onejskoe kóliniń túbinen bir kún buryn oqý-jattyǵý kezinde apatqa ushyraǵan Reseı TJM-niń Mı-8 tikushaǵy ekıpaj músheleriniń biriniń denesin tapty, dep jazady reseılik TASS agenttigi.

«Máskeý ýaqytymen 21:16-da súńgýirler qaza tapqan ekıpajdyń bireýin sýdan shyǵardy. Ol tikushaqtyń ishinen tabylǵan» - delingen Vkontakte áleýmettik jelisindegi habarlamada.

Taǵy eki ekıpaj múshesi áli tabylǵan joq. Súńgýirler Máskeý ýaqytymen 00:00-ge deıin jumysyn jalǵastyrady, sodan keıin qashyqtan basqarylatyn robot arqyly kól túbin teksermekshi.

RF Tótenshe jaǵdaılar mınıstrligi Soltústik-Batys avıatsııalyq-qutqarý ortalyǵynyń Mı-8 tikushaǵy 4 aqpanda Karelııadaǵy Onejskoe kóliniń ústinde oqý-jattyǵý ushýyn oryndap, ekıpajdyń úsh múshesimen baılanysyn toqtatty dep habarlady. Tikushaqtyń synyqtary jaǵadan 11 km qashyqtyqta, al bólshekteri tereńdigi 40-50 m bolatyn kól túbinen tabylǵan.

Buǵan deıin Reseıdiń Tótenshe jaǵdaılar mınıstrliginiń Mı-8 tikushaǵy joǵalyp ketkenin habarlaǵan bolatynbyz.