Qutqarýshylar Astana turǵyndaryna eskertý jasady
ASTANA. KAZINFORM – Qutqarýshylar elorda turǵyndarynyń Esil ózeni men Botanıkalyq baqtaǵy sý qoımalaryndaǵy muzǵa shyǵyp ketýlerine baılanysty eskertý jasady.
- Astanada Esil ózeninde jáne Botanıkalyq baqtaǵy sý qoımasyndaǵy muzdyń qalyńdyǵy qazir 2 sm ǵana, keı jerlerde tipti qatpaǵan. Bul qalyńdyq adam salmaǵyn kótere almaıdy. Muz qaýipsiz bolýy úshin onyń qalyńdyǵy 10 sm-den az bolmaýy qajet, - delingen habarlamada.
Osy rette TJM muzdyń qalyńdyǵyna kóz jetkizbeı oǵan shyǵýǵa bolmaıtynyn, balalardy eshqashan baqylaýsyz muz ústine jibermeý qajettigin eskertti.
- Qatpaǵan muzdyń ústine shyǵý Ákimshilik quqyq buzýshylyq týraly kodeksiniń 412 baby boıynsha shara qoldanylatynyn habarlaımyz! Ózińizge jáne jaqyndaryńyzǵa qamqor bolyńyzdar!, - delingen TJM eskertýinde.
Aıta keıteıik, sınoptıkter bıylǵy qysta aýa raıy jıi qubylatyny týraly habarlady.