Qursaqtaǵy sábıden jerıtin áıelder qaı óńirde kóp
«Ótken jyly bala týý jasyna jetken 1000 áıeldiń 91-i bosansa, bala týatyn jastaǵy 1000 áıeldiń 15-i túsik jasatqan. Osyǵan baılanysty kezdeısoq júktiliktiń aldyn alý máselesi barynsha ózekti», - dedi ol QR Densaýlyq saqtaý mınıstrliginiń keńeıtilgen alqa májilisinde.
Onyń aıtýynsha, elimizde bala týýǵa qabiletti jastaǵy áıelderdiń 38 paıyzy kezdeısoq júktilikten qorǵalǵan. Osy rette ol júkti bolýǵa qarsylyǵy bar áıelderge dárigerler tarapynan kontratseptıvti preparattar beriletinin aıtty.
«Degenmen, ótken jyly júkti bolýǵa keri kórsetilimi bar 3 045 áıel jynystan tys aýyr aýrýlar esebine alyndy», - dedi ol.
L.Aqtaevanyń dereginshe, Qostanaı men Mańǵystaý oblystary júktilikke qarsy preparattarmen az qamtylǵan. Al Batys Qazaqstan men Qaraǵandy oblystary mundaı preparattardy satyp alýǵa múldem az qarajat bólgen.
«Eń joǵary túsik jıiligi Soltústik Qazaqstan oblysy men Astana qalasynda», - dedi vıtse-mınıstr.
Lázzat Aqtaeva sondaı-aq Qazaqstanda ana ólim-jitimine sebep bolatyn jaıttardy atady.
Aıta keteıik, búgingi alqa májilisinde QR Densaýlyq saqtaý mınıstri Eljan Birtanov naýqasty aýrýhanaǵa jatqyzýdaǵy bylyqtardy ashyq aıtyp berdi. Jıynda qazaqstandyq dárigerlerdiń ortasha jalaqysy da aıtyldy.
Sondaı-aq vedomstvo basshysynyń pikirinshe, óńirlerde dárigerler tapshylyǵyn joıý jergilikti atqarýshy organdardyń jumysy.
Málim bolǵandaı, elimizde emhanaǵa tirkelmegen 1,4 mıllıonǵa jýyq adam bar.
Jıyn sońynda májiliske jınalǵan densaýlyq salasynyń basshylary, mamandar oryndarynan turyp, bı bıledi.