Qurmanǵalıev jasóspirimder arasyndaǵy álem chempıonatyn 1/8 fınaldan aıaqtady

ASTANA. KAZINFORM — Ústel tennısinen Helsınborg qalasynda (Shvetsııa) ótip jatqan jasóspirimder arasyndaǵy álem chempıonatynda qazaqstandyq Alan Qurmanǵalıev 1/8 fınaldyq matchta jarys jolynan shyǵyp qaldy. 

Ulttyq olımpıadalyq komıtettiń habarlaýynsha, otandasymyz nemis sportshysy Andre Bertelsmaıerden 4:1 esebimen jeńilip qalǵan. 

Aıta keteıik, 17 jastaǵy Alan 19 jasqa deıingi jasóspirimder sanatynda óner kórsetti. 1/16 fınalda Qurmanǵalıev Kamerýndyq ıÝlan Batıksty 4:3 esebimen jeńip, jarysty jalǵastyrǵan edi.

Sonymen qatar, ol juptyq saıystarda da baq synady. Tómende onyń nátıjeleri kórsetilgen:

Juptyq saıys, 1/8 fınal

Alan Qurmanǵalıev/Vassım Esıd (Qazaqstan/Týnıs) - Flaven Koton/Natan Lam (Frantsııa) 1:3.

Aralas juptyq saıys, 1/16 fınal

Alan Qurmanǵalıev/Vong Hoı Týng (Qazaqstan/Gonkong) - Isak Alfredsson/Agnes Svensson (Shvetsııa) 2:3.

Eske salsaq, buǵan deıin Alannyń ústel tennısinen jastar arasyndaǵy álem chempıonatynyń 1/8 fınalyna shyqqanyn jazǵan edik.