Kúrish baǵasy bir jylda 51,1% ósken

ASTANA. QazAqparat – Saýda jáne ıntegratsııa mınıstrligi áleýmettik mańyzy bar azyq-túlik taýarlarynyń baǵasy jyl basynan beri qalaı óskeni týraly resmı málimet taratty, dep habarlaıdy QazAqparat tilshisi.

Vedomstvonyń deregi boıynsha, jyl basynan 5 qyrkúıekke deıingi kezeńde 19 túrli taýardyń baǵasy orta eseppen 3,4% ósken. Sonyń ishinde qyryqqqabat 68,7%, kúrish 34,6%, sábiz 34,2%, aıran 11,9%, sút 11,1%, sary maı 10,3%, irimshik 7,3%, pııaz 7,2%, sıyr eti 7%, makaron 6,8%, kartop 4,9%, tuz 3,3%, nan 2,2% qymbattaǵan.

Mınıstrliktiń málimetine sensek, jyl basynan beri áleýmettik mańyzy bar azyq-túlik sanalatyn 6 túrli taýardyń baǵasy kerisinshe túsken. Olar: taýyq eti (-1,8%), jumyrtqa (-4,3%), un (-6,7%), qant (-10,3%), kúnbaǵys maıy (-14,5%), qaraqumyq (-35%).

Jyl basynan beri qyryqqabat baǵasy ásirese Jezqazǵanda (7,8%) qatty ósken. Al kúrish baǵasy Astanada (7,2%) artqan.

Sondaı-aq mınıstrlik mamandary kúrish baǵasynyń keıingi bes jylda qandaı dınamıkamen óskenine taldaý júrgizipti.

Resmı organnyń aqparatyna qaraǵanda, qazir bir keli kúrishtiń baǵasy 467 teńge. Bul jyl basynan beri baǵa 34,6%, bir aptada 1,1% ósti degen sóz. Al 2022 jyldyń dál osy kezeńimen salystyrǵanda kúrish 51,1% qymbattaǵan.

Kúrish baǵasy eń qymbat óńirler: Aqtóbe oblysy (564 teńge), Ulytaý oblysy (555 teńge), Almaty oblysy (536 teńge).

Osyǵan deıin el ekonomıkasynyń 8 aıda 4,9 paıyzǵa óskenin jazdyq.