Qurylys jumystarynyń kólemi 14,9% artty

ASTANA. KAZINFORM – 2025 jyldyń qańtar-qyrkúıek aılarynda qurylys jumystarynyń kólemi 14,9% artyp, 6 441,3 mlrd teńge boldy. Ósim eldiń 17 óńirinde tirkeldi. Bul týraly Ulttyq statıstıka bıýrosy habarlady. 

— Eleýli ósim Astana qalasynda (41,8%) jáne Almaty qalasynda (37,7%), sondaı-aq Soltústik Qazaqstan (27,3%), Aqmola (26,4%), Túrkistan (25,5%), Qostanaı (23,5%), Pavlodar (23%) jáne Almaty (21,1%) oblystarynda baıqaldy, — delingen habarlamada.

Paıdalanýǵa berilgen turǵyn úıdiń jalpy aýdany 2024 jyldyń qańtar-qyrkúıek aılarymen salystyrǵanda 3,4% artyp, 12 851,4 myń sharshy metr boldy. Onyń ishinde 8 072,2 myń sharshy metri — kóppáterli úıler, al 4 666 myń sharshy metri — jeke turǵyn úıler.

Turǵyn úıdiń basym bóligi 11 812,1 myń sharshy metr nemese 91,9% jekemenshik qurylys mekemeleri arqyly paıdalanýǵa berildi, onyń ishinde halyq esebinen 4 875,5 myń sharshy metr.

Aıta ketelik qurylys kompanııalary úsh jylǵa deıin páter baǵasyn ósirmeıtini týraly jazǵan edik.