Qurylys materıaldarynyń ımporty qansha
ASTANA. KAZINFORM — Jyl basynan qurylys materıaldarynyń ımporty 1 mlrd dollarǵa jýyqtady. Bul týraly Ónerkásip jáne qurylys mınıstrligi málim etti.
— 2025 jylǵy 9 aıdyń qorytyndysy boıynsha qurylys materıaldary boıynsha ımport kólemi 899,8 mln AQSh dollaryn qurady, — delingen mınıstrliktiń Kazinform agenttigine bergen jaýabynda.
Vedomstvo aqparatyna qaraǵanda, Qazaqstannan eksporttalatyn negizgi materıaldardyń qatarynda tsement, shyny, keramıkalyq taqtaıshalar, keramıkalyq kirpish jáne jylý oqshaýlaǵysh zattar bar.
Atap aıtqanda, qazirgi kezde elimizde qurylys materıaldary óndirisinde otandyq taýarlardyń úlesi 70,2 paıyzdy qurady. Otandyq óndirýshiler ishki naryqty taýarly beton, temirbeton, qurǵaq qurylys qospalarymen, portlandtsement jáne gazoblok tárizdi negizgi materıaldarmen tolyqtaı qamtyp otyr.
Buǵan deıin Qazaqstan shetelge qandaı taýarlar jóneltip jatqanyn jazǵan edik.