Qurbandar bar: Iranda polıtsııa kóligine shabýyl jasaldy

ASTANA. KAZINFORM – Búgin Iranshehr qalasynda (Sıstan jáne Belýdjıstan provıntsııasy) polıtsııa kóligine oq atyldy, dep habarlaıdy Oxu.az.

Qarýly adamdar tártip saqshylary mingen Hilux jáne Samand kólikterine shabýyl jasaǵan.

Oqıǵa ornynda 5 polıtseı qaza tapty. Jergilikti aqparat kózderi qylmyskerlerdiń polıtsııaǵa tıesili qarýdy da alyp ketkenin atap ótti. 

Ázirge qylmystyq oqıǵaǵa qatysty tergeý amaldary júrgizilip jatyr. 

Eske sala keteıik, buǵan deıin Aýǵanstannyń batysyndaǵy Gerat provıntsııasynda seısenbi kúni, 19 tamyzda avtobýs, mototsıkl jáne júk kóliginiń soqtyǵysýy saldarynan kem degende 71 adam qazap tapqan. Onyń 17-si – bala. Avtobýs Kabýlǵa baǵyt alǵan jáne Irannan deportatsııalanǵan aýǵandyq bosqyndardy tasymaldaǵan.