Qurbandar bar: Gondýrasta shaǵyn ushaq apatqa ushyrady

ASTANA. KAZINFORM – Ushaq Roatan aralynyń jaǵalaýynda teńizge qulaǵan. Bul týraly Anadoly jazdy.

ұшақ апаты
Фото: Анадолы

Gondýrasta 17 adam mingen shaǵyn ushaq teńizge qulady. Aldyn ala málimet boıynsha, alty adam qaza tapqan.

Roatan gýbernatory Ýgo Varelanyń aıtýynsha, ushaq Hýan Manýel Galves áýejaıynan kóterilip, Trýhılo qalasyna baǵyt alǵan, biraq kóterilgennen keıin kóp uzamaı Roatan aralynyń jaǵalaýynda teńizge qulaǵan.

Onyń aıtýynsha, qazirdiń ózinde qutqarýshylar alty máıitti tapqan, izdeý jumystary jalǵasýda.
Jergilikti aqparat quraldarynyń habarlaýynsha, apattan keıin ushaq órtenip ketken, bul qutqarý qyzmetiniń jumysyn qıyndatyp otyr.

Aıta keteıik, buǵan deıin Qytaıda áskerı ushaq apatqa ushyraǵanyn jazǵan edik.

Sondaı-aq, AQSh áýejaıynda American Airlines jolaýshylar ushaǵy órtenip ketti.

Сейчас читают