Kún raıyna baılanysty 2 oblysta avtojol jabyldy

ASTANA. KAZINFORM — Aýa raıynyń qolaısyzdyǵyna baılanysty 2 oblysta respýblıkalyq mańyzy bar 2 avtojolda kólik qozǵalysyna shekteý engizildi. Bul týraly QazAvtoJol-dyń baspasóz qyzmeti málim etti.

Shyǵys Qazaqstan oblysynda qar kóshkini qaýpine baılanysty jalpy uzyndyǵy 30 km 1 avtojol jabyldy. «Óskemen — Altaı — Úlken Naryn — Katonqaraǵaı — Rahman qaınary», Berel a. — Rahman qaınary baǵytyndaǵy avtojoldarda avtokóliktiń barlyq túrleri úshin qozǵalys shekteldi.

Jambyl oblysynda boran, shekteýli kórinis saldarynan jalpy uzyndyǵy 79 km 1 avtojolda kólik qozǵalysyna  shekteý qoıyldy. 

1. «Almaty — Tashkent — Termez», Kenen a. — Qaınar a. baǵytyndaǵy qozǵalys eski Qordaı asýy arqyly júzege asyrylady. Atalǵan respýblıkalyq mańyzy bar avtojoldarǵa 363 birlik tehnıka jáne 489 adam jumyldyryldy.