Kún qaıta ysıdy

ASTANA. KAZINFORM — Qazaqstan aýmaǵynyń basym bóligi soltústik-batys tsıklony men onymen baılanysty atmosferalyq fronttardyń yqpalynda bolady. Sonyń saldarynan jańbyr men burshaq jaýyp, ekpindi jel soǵady, soltústik jáne shyǵys óńirlerde jaýyn-shashyndy bolady. 

Maýsym sońyna qaraı respýblıka aýmaǵyna batys antıtsıklon yǵysyp, sonymen baılanysty jaýyn-shashyn toqtaıdy. Respýblıka boıynsha jel kúsheıip, soltústik, soltústik-batys jáne shyǵys óńirlerde túngi jáne tańǵy ýaqytta tuman bolady.

Batysta qatty ystyq 35-38 gradýs kútiledi, 24-25 tamyzda soltústik-batysta qatty ystyq 35 gradýs bolady. Kóptegen oblysta aýa temperatýrasynyń joǵarylaýy kútiledi: soltústik óńirlerde 25-30 gradýsqa deıin, Qazaqstannyń ortalyǵynda 22-32 gradýsqa deıin, keı jerlerde qatty ystyq 35 gradýsqa deıin, ońtústikte 30-38 gradýsqa deıin, ońtústik-shyǵysta 27-35 gradýsqa deıin, taýly aımaqtarda 20-27 gradýsqa deıin kóteriledi. Tek shyǵys Qazaqstanda temperatýralyq jaǵdaıda aıtarlyqtaı ózgerister kútilmeıdi.