Kún betinde eń qýatty jarqyl boldy

ASTANA. KAZINFORM – 18 qańtar keshinde tirkelgen 2026 jylǵy alǵashqy qýatty kún jarqyly X1,9 deńgeıine jetti, dep habarlaıdy Kazinform. 

- 18 qańtarda Máskeý ýaqytymen saǵat 21:09-da rentgen dıapazonyndaǵy 4341 kún daq tobynda (S14E22) 59 mınýtqa sozylǵan X1.9 jarqyly tirkeldi, - delingen Reseıdiń E.K.Fedorov atyndaǵy qoldanbaly geofızıka ınstıtýtynyń habarlamasynda. 

TASS agenttiginiń habarlaýynsha, https://tass.ru/nauka/26180397 X klasyndaǵy sońǵy jarqyl 8 jeltoqsanda tirkelgen.

Kún jarqyldary rentgen sáýlelenýiniń qarqyndylyǵyna baılanysty bes klasqa bólinedi: A, B, C, M jáne X. Eń tómengi klas, A0.0, Jer orbıtasyndaǵy sharshy metrge 10 nanovatt rentgen sáýlelený qarqyndylyǵyna sáıkes keledi.

Kelesi áripke ótken kezde qarqyndylyq on ese artady. Jarylystar kún plazmasynyń shyǵaryndylarymen qatar júrýi, olardyń bulttary Jerge jetkende magnıttik daýyldardy týdyrýy múmkin.

Kazinform úshin arnaıy TASS seriktes agenttigi usynǵan.

Osyǵan deıin Jer betinde bıylǵy úshinshi magnıttik daýyl bastalǵanyn habarlaǵan bolatynbyz.