Qumar oıynǵa táýeldi adamdar psıhıkalyq densaýlyq ortalyqtaryna esepke alynýy múmkin
Psıhobelsendi zattardy bir ret paıdalanǵany anyqtalǵan jáne qumar oıyndarǵa patologııalyq táýeldiliktiń damý qaýpi bar turǵyndar psıhıkalyq densaýlyq ortalyqtarynyń aqparattyq júıesine engizilýi múmkin, dep habarlaıdy QazAqparat tilshisi.
Almatyda «Mentaldy densaýlyq, psıhoáleýmettik aspektiler» atty halyqaralyq ǵylymı-praktıkalyq konferentsııa ótti. Jıynǵa 200-ge tarta sheteldik jáne elimizdiń basqa óńirleriniń psıhıkalyq densaýlyq ortalyǵynyń kásibı mamandary qatysty.
Qazaqstan, Reseı, Qyrǵyzstan jáne Tájikstannyń psıhıatrııa, narkologııa salasynyń bilikti mamandary psıhologııalyq kómek kórsetý jáne derttiń aldyn alý, osy ýaqytqa deıin psıhıkalyq ortalyqtardyń kómegine júginýden qorqatyn, namystanatyn kópshiliktiń kózqarasyn ózgertý, jańa ádisterdi engizý tóńireginde túrli taqyryptardy talqylady.
Іs-iara barysynda respýblıkalyq psıhıkalyq densaýlyq ǵylymı-praktıkalyq ortalyǵynyń bas dırektory Qýanysh Altynbekov «psıhobelsendi zattardy bir ret paıdalanǵany anyqtalǵan adamdar jáne qumar oıyndarǵa patologııalyq táýeldiliktiń damý qaýpi bar turǵyndar jaıly derekterdi psıhıkalyq densaýlyq ortalyqtarynyń aqparattyq júıesine engize otyryp, konsýltatsııalyq esepke alýdy usyndy.
«Mundaı esepke alýdyń maqsaty – adamdy jazalaý emes, oǵan kómektesý jáne ol jaıynda qupııalylyqty saqtaı otyryp, keńes berý, aqparattyq kómek jáne psıhologııalyq qoldaý kórsetý», - dep túsindirdi Qýanysh Altynbekov.
Sondaı-aq Qýanysh Altynbekov búgingi psıhoaktıvti zatty qoldaný faktisin jáne mas kúıin anyqtaý úshin medıtsınalyq kýálandyrýdy júrgizý qaǵıdalaryna ózgerister engizý josparlanyp jatqanyn jetkizdi.
Resmı derekke sáıkes, elimizde 303 284 adam, halyqtyń 1,5%-y psıhıkalyq densaýlyq ortalyqtarynda dınamıkalyq baqylaýda turady. Olardyń 64,4%-y (195299) psıhıkalyq keselmen, 35,6% (107985) narkologııalyq dertpen tirkelgen. Degenmen elimizdiń bas psıhıatrynyń aıtýynsha, naýqastardyń sany resmı kórsetkishten kóbirek bolýy múmkin.
«Álemde jasyryn esirtki tutyný deńgeıin anyqtaýdyń ártúrli ádisteri qoldanylady. Júıeli túrde epıdemıologııalyq zertteýler júrgizý arqyly naqty kórsetkishti aıqyndaýǵa bolady. Psıhıatrııalyq, narkologııalyq qyzmetke stıgmatızatsııanyń joǵary deńgeıde bolýy, kómekke júginýdiń azdyǵy, kóptegen patsıenttiń dınamıkalyq esepte bolǵysy kelmeýin eskere otyryp, biz dınamıkalyq baqylaý erejelerin ońtaılandyrý protsesin bastadyq», - dep atap ótti Qýanysh Altynbekov.
