Qulsaryda tasqynnan kelgen zalaldy baǵalaý jumystary bastaldy
ASTANA. KAZINFORM – Atyraý oblysynyń Jylyoı aýdanynda zardap shekken múlikti baǵalaý júrgizilip jatyr. Bul týraly oblys ákiminiń baspasóz hatshysy Rýslan Jumaǵazıev aıtyp berdi.
23 sáýirdegi jaǵdaı boıynsha Qulsary qalasynyń turǵyndarynan 3676 ótinish kelip tústi, onyń ishinde 3334-i 100 AEK mólsherinde birjolǵy tólem aldy.
Zalaldy baǵalaý jáne óteý jónindegi komıssııa kelip túsken 2315 ótinish boıynsha múlikti baǵalaý jumystaryn bastady.
«Jalpy Qulsary qalasy men Jylyoı aýdanynda qalpyna keltirý jumystary jalǵasyp jatyr. 1,4 mln tekshe metrden astam erigen qar sýy soryldy, túrli shaǵyn aýdandardaǵy 42 úıde dezınfektsııalyq is-sharalar júrgizildi. Altynshy ýchaskeniń 106 úıi, Dostyq shaǵyn aýdany jáne 27 kásipkerlik nysany elektr qýatyna qosyldy. Atyraý shaǵyn aýdanyndaǵy 125 úıde, altynshy ýchaskeniń 12 úıinde jáne Dostyq shaǵyn aýdanyndaǵy 58 úıde, sondaı-aq 5 kásipkerlik nysanda gazben jabdyqtaý qalpyna keltirildi», - dedi Rýslan Jumaǵazıev OKQ alańynda ótken brıfıngte.
Sonymen birge, nysandary sý tasqynynan zardap shekken kásipkerlerge keltirilgen zalaldy óteý jónindegi konsýltatsııalyq ortalyq jumys istep tur. Búgingi tańda 82 kásipker keńes alǵan.
