Qulsary turǵyndary sý tasqynynan búlingen úılerin jóndeýdi qolǵa aldy

ATYRAÝ. KAZINFORM – Atyraý oblysyndaǵy Qulsary qalasynyń turǵyndary sý tasqynynan búlingen úılerin jóndeýdi qolǵa aldy.

Atyraý oblysynyń tótenshe jaǵdaılar jónindegi jedel shtabynyń aqparatyna qaraǵanda, sý tasqynynan zardap shekken qulsarylyqtar baǵalaý qorytyndysyna sáıkes ótemaqyny alyp jatyr.

Sonyń biri – 74 jastaǵy ardager temirjolshy Aıtbaı Shaıpahov. Qulsary qalasyndaǵy 4-ýchaskede turatyn zeınetkerdiń 2018 jyly salynǵan úıin sý basqan.

«Ótemaqyǵa berilgen qarjyǵa jóndeý jumysyn bastaǵan edik. Úıimizdiń ishki bóligin 15 kúnde tolyq jóndeýden ótkizdik. Esikterdi jańasyna aýystyryp, edenine lınoleým tósedik. Endi úádiń syrtqy bóligine jóndeý júrgizemiz», - deıdi Aıtbaı Shaıpahov. 

Ony bir ýchaskede turatyn Násipbaı Saǵynbaevtyń úı qulap qalǵan. Ol eki aıdan beri otbasymen kıiz úıde turady. Onyń otbasynda 5 bala bar. 

«Bizdiń otbasymyzben eski úıde turǵan edik. Sol úıde 1989 jyly kóship kelgenbiz. Sońǵy 5-6 jyldan beri jınaǵan qarajatyma úıimniń qasynan jańa baspananyń qabyrǵasyn kóterip qoıǵanmyn. Qazir ótemaqynyń qarjysyn sol úıdiń qurylysyna jumsaýdy kózdep otyrmyn Jumysshylar kómekke keldi. Olar úıdiń shatyryn jabýdy bastady. «Qystyń qamyn jaz oıla», degendeı osy bastan qamdanýdamyz. Balalar ósip keledi. Sol sebepten, qulaǵan úıim turǵan jer telimin ózime qaldyrdym. Aldaǵy ýaqytta balalar sol jerge úı salýy múmkin», - deıdi Násipbaı Saǵynǵalıev. 

Qulsary qalasynda sý tasqynynan búlingen úılerdi baǵalaý jumysy áli jalǵasyp jatyr. Bul jumysty 10 maýsymǵa deıin aıaqtalady dep josparlanǵan. 

Eske sala ketelik, buǵan deıin Qulsaryda baspanasyn qalpyna keltirýge ótemaqy alǵandar sany 1100-den asqan jazǵan edik.