Qulsary qalasynda turatyn 3 myńnan astam oqýshy jazǵy lagerlerde demalady

ATYRAÝ. KAZINFORM – Atyraý oblysyndaǵy Qulsary qalasynda turatyn 3 myńnan astam oqýshy jazǵy lagerlerde demalady.

Atyraý oblystyq bilim basqarmasy basshysynyń orynbasary Oryntaı Bımanovanyń aıtýynsha, 3 mamyrda 23 oqýshy Balqash qalasyndaǵy lagerge attanady. 

«Oqýshylardyń jazǵy demalys jáne eńbek lagerleri maýsym aıynda ashylady. Biraq, Qulsary qalasyndaǵy qazirgi jaǵdaıǵa baılanysty jazǵy lagerdiń maýsymyn erte bastaý týraly sheshim qabyldanyp otyr. Óıtkeni, Qulsary qalasynda úıin tasqyn sý otbasylarda 3 myńnan astam oqýshy bar. Bilim basqarmasy oqýshylarǵa qamqorlyq jasaýdy qolǵa aldy. Atyraý oblysynyń oqýshylary Reseı Federatsııasynyń Jeleznovodsk qalasynda ornalasqan «Qazaqstan geologi» emdeý-saýyqtyrý pansıonatyna, Inder aýdanyndaǵy «Jas Órken» jáne Mahambet aýdanyndaǵy «Araı» balalar lagerine jiberiledi», - dedi Oryntaı Bımanova. 

Onyń aıtýyna qaraǵanda, Oqý-aǵartý mınıstrliginiń tarapynan «Baldáýren» jazǵy lagerine Qulsary qalasynyń oqýshylary úshin kóp oryn bólingen. 

Eske sala ketelik, buǵan deıin Qulsary qalasynan 3 mln tekshe metr tasqyn sý soryldy. 

Sondaı-aq, Qulsary qalasynda sý tasqynynyń zardabyn joıý jumystary qalaı júrip jatqanyn jazǵan bolatynbyz.