Quda túsip, qyzdy úıine alyp ketken ózbekstandyq alaıaq Astanada ustaldy

ASTANA. QazAqparat – Ózbekstanda 21 jastaǵy qyzǵa quda túsip, keıin onyń týystarynan aqsha bopsalaǵan alaıaq Astanada ustaldy, dep habarlaıdy QazAqparat Polisia.kz-ke silteme jasap.

Málim etilgendeı, elordalyq polıtseıler TMD elderimen birlesip 15-16 naýryz aralyǵynda «Іzdestirý» keń aýqymdy operatsııasyn ótkizdi. Іs-sharanyń birinshi kúni Astana qalasynyń aýmaǵynda 8 qylmysker anyqtalyp, ustaldy. Habar-osharsyz ketken 3 azamattyń ornalasqan jeri tabyldy.

Memleketaralyq izdeýde bolǵan eki sheteldiktiń biri – ózbekstandyq áıel.

«Memleketaralyq izdeýde júrgen 23 jastaǵy ózbekstandyq bıkesh anyqtaldy. Ol quda túsip, 21 jastaǵy qyzdy úıinen alyp ketken. Keıin bopsalaý arqyly onyń týystarynan aqsha talap etken», - dedi polıtsııadan.

Al Ózbekstannyń 42 jastaǵy azamaty alaıaqtyq jasap, elordada boı tasalap júrgen. Ol Samarqan qalasynda er adamdy jumysqa ornalastyrýǵa ýáde etip, 1,4 mln som aqshasyn ıemdenip ketken.

Qazirgi ýaqytta atalǵan eki kúdikti de ýaqytsha ustaý ızolıatoryna qamaldy. Ekstradıtsııa máselesi sheshilip jatyr.