Kýáger Seıitqazy Mataevtyń memlekettik aqparattyq tapsyrysty qalaı zańsyz alǵanyn aıtty
Tergeý nusqasy boıynsha, 2010-2015 jyl aralyǵy kezeńinde Seıitqazy Mataev uly - «QaTAG» HAA» JShS bas lırektory Áset Mataevpen aldyn ala sóz baılasyp, aldaý jáne senimdi teris paıdalaný jolymen asa iri kólemde memlekettik satyp alý salasyndaǵy bıýdjettik qarajattardy jymqyrǵan. Urlyq somasy 169 mln.-nan astam teńgeni quraıdy.
«2010 jyly Komıtet memlekettik aqparattyq saıasatty jyljytý boıynsha qyzmetterdi satyp alýǵa konkýrs jarııalady. Júrgizilgen rásimder nátıjesi boıynsha 2010 jylǵy 29 shildede keı lottar boıynsha konkýrs ótpedi dep tanyldy, sebebi onyń kemi eki qatysýshysy bolǵan. Bul rette «QazTAG» HAA» JShS konkýrsqa qatysýǵa ótinim bermegen», - dedi kýáger - BAAK burynǵy tóraǵasy Bolat Bersebaev.
Odan ári kýáger Seıitqazy Mataev paıdakúnemdik maqsatta oǵan agenttikpen bir kózden eki lot boıynsha shart jasasýdy talap etip, júgingen. «Seıitqazy Mataevpen kezdesý Almatyda Ulttyq baspasóz klýby ǵımaratynda bolǵan. Mataev onymen shart jasasýdy talap etedi. Onymen daýlasqym kelmedi. Men mundaı QazTAG sııaqty bedeldi agenttik memlekettik aqparattyq saıasatty tıimdi de sapaly júrgize alatynyna senim arttym», - dedi kýáger.
Kýáger eger shart jasaspaǵan jaǵdaıda, Seıitqazy Mataev onyń atyna, basqaryp otyrǵan Komıtetke teris aqparat jaýdyrtady dep qaýiptengenin aıtty.
Bolat Bersebaev óziniń qyzmettik jaǵdaıyn paıdalanyp, bir kóz tásilimen osy lot boıynsha memlekettik satyp alý júrgizý týraly zańsyz sheshim qabyldady. Buǵan deıin ol óziniń orynbasary Bek Arpabaevqa qajetti qujattardy daıyndaýdy tapsyrdy. «Bul memlekettik satyp alý qaǵıdasyn buzdy, «QazTAG» HAA» JShS bul satyp alýǵa qatysqan joq», - dedi Bolat Bersebaev.
Kýáger Komıtet aqshalaı qarajatty zańsyz tólegenin atap ótti. 2010 jyly memlekettik aqparattyq saıasat nátıjelerine qol jetkizilgen joq.
«QatTAG qyzmetteri tehnıkalyq erekshelikke sáıkes kelgen joq. Kún saıyn agenttik 40-50 aqparattyq habarlama jarııalaý tıis bolǵan. Olar aıyna 100 habarlama jarııalady. Materıaldar jabyq rejimde jarııalandy», - dep túsindirdi Bersebaev.
Bul buzýshylyqtar týraly Bersebaevqa onyń baǵynyshty qyzmetkeri - Álııa Aıǵarına aıtty.
«Oryndalǵan jumys aktileri tekserilgen joq. QazTAG HAA-ǵa aqshalaı qarajaty zańsyz tólendi», - dep sózin túıindedi ol.
QR Qylmystyq kodeksiniń 65-babyna sáıkes Baılanys, aqparat jáne aqparattandyrý komıteti men «Qazaqtelekom» AQ laýazymdy tulǵalary ókinýine, tergeýge járdemdesýine baılanysty qylmystyq jaýapkershilikten bosatylǵanyn atap ótken jón.