QTJ: Zeınetke erte shyǵýdyń paıdasy
Temirjolshylardyń jumysy ońaı emes. Sondyqtan olardyń kópshiligi «QTJ» UK» AQ-da 2020 jyldan bastap Zeınetkerlikke erte shyǵý baǵdarlamasynyń iske qosylǵany týraly habardy zor qýanyshpen qabyldady.
Laýazymy qysqarǵan nemese ońtaılandyrylǵan, densaýlyq jaǵdaıy, qolaıly vakansııanyń bolmaýy, biliktiliginiń jetispeýi sııaqty sebeptermen ári qaraı jumysqa ornalasýy múmkin emes zeınet jasyna jaqyndaǵan «Qazaqstan temir joly» UK» AQ qyzmetkeri zeınet demalysyna merziminen buryn shyǵa alady.
Osy oraıda zeınet jasyna 6 jyl jáne odan da az ýaqyt qalǵanda jumysynan bosap qalǵan qyzmetkerge 1-4 aılyq jalaqysy kólemindegi ótemaqy jáne saladaǵy jumys ótiline jáne zeınet demalysyna deıingi qalǵan aılarynyń sanyna baılanysty 200 myń teńgege deıin aı saıynǵy járdemaqy tólenedi. Mundaı qyzmetkerlerdi QTJ zeınetkerler esebine qoıyp, zeınetkerlerge arnalǵan ujymdyq kelisimshartta usynylǵan áleýmettik jeńildikterdi paıdalanýǵa múmkindik beredi.
«QTJ» UK» AQ-nyń adamı resýrstardy basqarý departamentiniń dırektory Sáýle Istleevanyń aıtýynsha, Zeınetkerlikke erte shyǵý baǵdarlamasyna temirjolshylar úlken rızashylyqpen ún qatty.
- Eń aldymen, Zeınetkerlikke erte shyǵý baǵdarlamasy bıznesti ózgertýge úles qosatyn baǵdarlamalardyń biri bolyp tabylatynyn atap ótkim keledi. Jańa tehnologııalar engizilýde, protsester ońtaılandyrylýda, sondyqtan adamı resýrstardyń múmkindikterin de qaıta qarastyrǵan jón. Protsesterdiń ońtaılandyrylýy men tsıfrlandyrylýyna baılanysty jumystan bosatylǵan jastar men orta jastaǵy qyzmetkerlerdi qaıta daıyndaýdan ótkizip, basqa qyzmetterge aýystyramyz. Jas erekshelikterine baılanysty olar basqa óńirge kóship, ózderiniń kúshin basqa bólimshelerde synap kórýge de daıyn. Zeınet jasyna jaqyndaǵan jandarǵa da osyndaı sharttardy usynamyz, eger olardyń densaýlyq jaǵdaıy, qolaıly vakansııanyń bolmaýy, biliktiliginiń jetispeýi sııaqty obektıvti sebepteri bolsa, onda atalǵan baǵdarlamany balama retinde qoldanamyz, - deıdi Sáýle Istleeva.
Aıta keteıik, bıznesti ózgertý jobalary kompanııanyń zaman aǵymyna saı jetildirilýi tıis ekendigin kórsetti.
Temirjol jetekshi sala retinde jańa ádister men tehnologııalardy engizýde, alaıda eń basty qundylyǵy – adamdar týraly da esinen shyǵarmaq emes. Olar da ózgeristiń qajettiligin, jaılylyǵyn sezine otyryp, bul kezeńdi túsinistikpen ótýi tıis.
Bıznesti ózgertýdi jumysshylardy jalpylama qysqartýsyz júrgizýdiń jarqyn mysaly «Mobıldi dıagnostıkalyq keshendi engizý (MDK)» jobasy bolyp tabylady.
Kompanııada qozǵalys qaýipsizdigin qamtamasyz etý maqsatynda bolýy yqtımal túrli aqaýlardy dıagnostıkalaý júıeli túrde júrgizilip turady. Kúni keshege deıin paıdalanylǵan keńes dáýirindegi tehnologııa boıynsha defektoskopty arbalardyń operatorlary kúnine 7 km joldy júrip ótetin, al MDK boıynsha kúnine 400 shaqyrymdy artqa tastaıdy. Nátıjesinde óndiris tıimdiligi artady, poıyzdardyń qozǵalys qaýipsizdigi qamtamasyz etiledi, al jolaýshylar men júk pýnktke belgilengen ýaqytta keledi.
- 2019-2020 jyldar aralyǵynda barlyǵy 580 defektoskopty arbalardyń operatory úsh kezeńmen ońtaılandyryldy. Olardyń 335-i «Qazaqstan temir jolynyń» basqa vakansııalaryna ornalastyryldy, keıbir jumysshylar qysqartýǵa iligip, ótemaqy alýǵa sheshim qabyldady, al zeınet jasyna jaqyndaǵan qyzmetkerler óz qalaýy boıynsha Zeınetkerlikke erte shyǵý baǵdarlamasyn tańdady, -dedi óz oıymen bólisken Sáýle Mashýrqyzy.
Qyzmetkerlerdiń ózderi bul baǵdarlama týraly yqylastana áńgimeledi.
Men temirjolda 45 jyl eńbek ettim, onyń 42 jyly bir orynda ótti. PCh- Qandaǵashta defektoskopty arba operatory boldym. Bul óte aýyr ári qıyn jumys, sońǵy kezde aıaǵym aýyra bastady. Sondyqtan zeınetkerlikke merziminen buryn shyǵý múmkindigin usynǵanda, qatty qýandym jáne birden kelise kettim. Qyzmetkerlerine osyndaı aıryqsha qamqorlyq kórsetip otyrǵan kompanııa basshylyǵyna myń da bir rahmet. Qazir men jarty jyldan beri jumys istemeımin, úıde otyrmyn jáne aı saıyn kompanııadan ótemaqy alyp kelemin. Ózim de, otbasym da óte rızamyz, - deıdi Andreı Núrkebaev.
- Osy baǵdarlamanyń arqasynda men jyl jarym buryn zeınet demalysyna shyqtym. Óte qýanyshtymyn! Kelisimde kórsetilgen ótemaqyny alyp turamyn, shúkir, ómir súrýime jetip jatyr. Qazir qalaǵanymsha demalamyn, súıikti isterimmen aınalysamyn, kóp ýaqytymdy otbasymmen birge ótkizemin. Mysaly, jaz boıy jubaıym ekeýimiz kólge shomyldyq, kúnge qyzdyryndyq, qazir ormanǵa baryp serýendep júrmiz. Temirjolshylar úshin óte paıdaly baǵdarlama, óıtkeni bizdiń jumysymyz asa aýyr sanatta. Men temirjolda 40 jyldan astam jumys istedim, PCh-Kókshetaýda defektoskopty arba operatory boldym, qazir beınetimniń zeınetin kórip, rahattana demalyp júrmin, - dedi Mıhaıl Ponomarev qýanyshyn jasyra almaı.
Mundaı jumys defektoskopty arba operatorynan basqa poshta hat-habaryn tasýshylarǵa, avtokólik júrgizýshilerine jáne basqalarǵa da qatysty júrgizildi.
- Jalpy alǵanda, baǵdarlama iske qosylǵaly beri «QTJ» UK» AQ-nyń 900 qyzmetkeri zeınet jasyna jetpeı qurmetti demalysqa shyqty. Bul baǵdarlamanyń suranysqa ıe ekendigin kórsetedi, - dep túıindedi sózin Sáýle Istleeva.
Kompanııada atap ótkendeı, baǵdarlama ár qyzmetkerdiń jaǵdaıyn jeke qarastyrady, sondaı-aq quramyna jumysshylardyń ókili (kásipodaq) engen arnaıy qurylǵan baǵdarlama olardyń zańdy quqyǵyn buzýǵa jol bermeıdi.
- QTJ áleýmettik jaýapkershiligi bar kompanııa ekenin atap aıtqym keledi. Sondyqtan eger qyzmetker kompanııada qalǵysy kelse, biz ony basqa jumysqa ornalastyrý úshin qoldan kelgenniń bárin isteımiz. Bul úshin basqa mamandyq alýǵa múmkindik beretin qaıta daıarlaý kýrstary ashyldy. ıAǵnı qyzmetkerdiń aldynda úsh túrli tańdaý turady - Zeınetkerlikke erte shyǵý baǵdarlamasy boıynsha qurmetti demalysqa shyǵý, qaıta daıarlaý kýrsynan ótý nemese jumystan shyǵyp, ótemaqy alyp otyrý, - dep túsindirdi Sáýle Istleeva.
Ásel Shaıhynova
