QTJ ótken jyldy rekordtyq kórsetkishpen aıaqtady

Geosaıası jaǵdaıdyń kúrdelenýine, 2022 jyly dástúrli jetkizý tizbeginiń ózgerýine qaramastan, «QTJ» UK» AQ óndiristik jáne qarjylyq kórsetkishterdiń oń serpinin qamtamasyz etti.

Paıdalaný júk aınalymy 252 mlrd tkm qurasa, bul 2021 jylǵy deńgeıden 5,3%-ke artyq. Bul Qazaqstan táýelsizdigi jyldaryndaǵy eń joǵary kórsetkish. Sondaı-aq, QR men QHR arasyndaǵy tasymaldar kóleminiń tarıhı maksımýmy – 23 mln.tonnadan asty (2021 jylmen salystyrǵanda 15%-ke artyq) oryn aldy. Konteınerlik tranzıt ótken jylmen salystyrǵanda 6,0% - ǵa ulǵaıyp, 1 129 myń JFB qurady.

2022 jyldyń qorytyndysy boıynsha 14 mln. astam jolaýshy tasymaldansa, bul aldyńǵysyna qaraǵanda 21,4% artyq. Jolaýshylar aınalymy 29,7% artyp, 12 353 mln. jolaýshy- km. qurady.

14 jup halyqaralyq poıyzdyń júrisi qaıta bastaldy. «Astana – Jezqazǵan» jáne «Almaty-2 – Jezqazǵan», «Astana – Qostanaı» jolaýshylar poıyzdary iske qosyldy. «Qonaev-Almaty» qatynasymen qala mańyndaǵy poıyz taǵaıyndaldy.

Jyljymaly quram parkin jańartý, ınfraqurylymdy damytý boıynsha jumystar júrgizildi. Stadler tehnologııasy boıynsha 537 jolaýshylar vagonyn satyp alýǵa kelisimshart jasaldy. «ALSTOM Transport SA» kompanııasymen 245 elektrovozdy jetkizý kelisimine qol qoıyldy. Dostyq-Moıynty temirjol ýchaskesinde ekinshi joldardyń qurylysy bastaldy.

Kompanııanyń qarjylyq nátıjesine Úkimet pen «Samuryq-Qazyna» AQ qabyldaǵan qaryzdardy qaıta qarjylandyrý jáne óteý jónindegi sheshimder oń áser etti. QTJ mindettemeleriniń «turaqty» valıýtadaǵy úlesi 2019 jylǵy 57% -ten 2022 jyly 30% -ke deıin tómendedi.

2021 jylmen salystyrǵanda qyzmetkerlerdiń jalaqysy 40% ósti.

Kompanııaǵa «Moody' s ESG Solutions» reıtıngtik agenttigi A2 deńgeıindegi ESG joǵary reıtıngin berdi.

Sonymen qatar jyldan jylǵa jyljymaly quram men temirjol ınfraqurylymynyń tozýy artyp keledi. Búgingi tańda ınfraqurylym óz múmkindikteriniń sheginde jumys isteýde, bul tasymaldardyń odan ári ósýine teris áser etedi. Jyl saıyn orta eseppen 450-500 km temir jolǵa kúrdeli jóndeý, sondaı-aq aǵymdaǵy ustap turý jumystary júrgiziledi. Qozǵalys qaýipsizdigin qamtamasyz etý úshin ýchaskelerde qozǵalys jyldamdyǵyna shekteýler engizilse, bul poıyzdardyń keshigýine ákeledi. Kompanııa jol boıynda toqtap turǵan poıyzdardyń sanyn azaıtý jáne otyn-energetıkalyq keshen kásiporyndary úshin quramdar qozǵalysyn jedeldetý boıynsha uıymdastyrýshylyq jáne tehnologııalyq sharalar qabyldaýda. Aktıvterdi jańartý máselesin sheshý úshin retteletin tarıftiń deńgeıin qaıta qaraý boıynsha ýákiletti organdarmen jumys júrgizilýde.

Memleket basshysynyń QTJ-ny tranzıttik-logıstıkalyq kompanııaǵa aınaldyrý jónindegi tapsyrmasyn oryndaý sheńberinde tıisti jol kartasy ázirlendi. Syrtqy logıstıkalyq naryqtarǵa shyǵýǵa qajetti QTJ quzyretterin kúsheıtý josparlanýda. Infraqurylymnyń ótkizý qabiletin tejeıtin ýchaskelerdi boldyrmas úshin kún tártibinde – iri jobalardy (Dostyq-Moıynty ýchaskesin jańǵyrtý, Darbaza-Maqtaaral jelisin, Almaty qalasyn aınalyp ótetin aınalma joldy jáne Baqty–Aıagóz shekara ótkelin salý) iske asyrý.

Foto: «QTJ» UK» AQ