Kishi jáne Úlken Almaty ózenderinde qar kóshkini júrýi múmkin
ALMATY. KAZINFORM - Qazgıdromettiń eskertýi negizinde Almaty qalasynyń TJD 2-5 sáýir aralyǵynda Úlken jáne Kishi Almaty ózenderiniń basseınderindegi qar jamylǵysynyń turaqsyz jaǵdaıy men bıiktigine baılanysty qar kóshkininiń júrý qaýpi saqtalatynyn eskertti.
Kóshkin qaýpi aımaǵyna adamdardyń júrýin shekteý maqsatynda: Almaty qalasy - Kosmostantsııa avtojolyndaǵy Aıýsaı bógetinen joǵary jáne Shymbulaq - Tuıyqsý muzdyǵy avtojolyndaǵy Edelveıs kóshkin jınaý aýdanynda blok-beketter qoıylǵan.
«Kóshkin qaýpi kezeńiniń basynan joldardyń aldyn ala jabyq ýchaskeleri men adamdar ótpeıtin aýmaqtarda jalpy kólemi 740 myńnan astam tekshe metrden asatyn 136-dan astam qar kóshkini ózdiginen júrdi. Sonymen birge, qar kóshkinin profılaktıkalyq túsirý júrgizildi, jarylǵysh ádispen 9 200 tekshe metrden astam qar massasy túsirildi. Zardap shekkender bolǵan joq. Qar kóshkini adam júrmeıtin jerlerde júrip, qardyń basym bóligi taýlardyń baýraıynda toqtady», - dep habarlady qalalyq TJD-nyń baspasóz qyzmeti
Almaty qalasy TJD men Polıtsııa departamentiniń, «Qazseldenqorǵaý» qyzmetkerleri blok-beketter qoıý arqyly halyqtyń júrýin shekteý sharalary qabyldandy.
Sondaı-aq TJD men «Qazseldenqorǵaý» mekemesi almatylyqtarǵa, týrısterge jáne qala qonaqtaryna aldaǵy kúnderi taýǵa shyqpaýǵa keńes berdi.
Eske salsaq, Kishi Almaty ózeninde ózdiginen kóshkini júrgen edi.
