Máskeýde Krokýstaǵy lańkestik áreketten qaza tapqan balalar sany altyǵa jetti
ASTANA. KAZINFORM — Reseı astanasynda ornalasqan «Crocus City Hall» ǵımaratynda bolǵan qaıǵyly oqıǵadan alty bala qaza tapty. Zardap shekkenderdiń beseýi áli aýrýhanada, ekeýiniń jaǵdaıy aýyr. Bul týraly RF Prezıdenti janyndaǵy Bala quqyqtary jónindegi ýákil Marııa Lvova-Belova jýrnalısterge bergen suhbatynda málim etti, dep jazady reselik TASS.
Buǵan deıin bes balanyń qaza tapqany aıtylǵan edi.
«Qazir bizge alty balanyń qaza tapqany belgili boldy, jeteýi jaraqat alǵan. Ekeýi úıde emdelip jatyr, beseýi aýrýhanada. Olardyń ekeýiniń jaǵdaıy aýyr, úsheýiniń jaǵdaıy ortasha aýyr. Men olarǵa bardym. Aýrýhanalardyń bas dárigerlerimen únemi baılanystamyn, balalar barlyq qajetti zattarmen qamtamasyz etilgen, dárigerler olardyń ońalyp kele jatqanyn aıtty», - dedi ol.
Eske sala ketsek, 22 naýryz kúni Máskeýdiń soltústik-batysyndaǵy «Crocus City Hall» kontsert zalynda atys bolyp, kamýflıaj kıgen adamdar oq jaýdyrǵan edi. Oqıǵa saldarynan 150-den astam adam jaraqat alyp, 100-den astam adam mert boldy.
