«Krokýs sıtı holldaǵy» terakt qurbandarynyń sany 115-ke jetti
ASTANA. KAZINFORM - Podmoskovedegi «Krokýs sıtı hollda» bolǵan teraktide qaza bolǵan qurbandardyń sany 115-ke jetti. Úıindi astynan taǵy bir adamnyń denesi tabyldy. Bul týraly TASS jazdy.
«Krokýs Sıtı Holl» kontsert zalynda jasalǵan lańkestik ornynda tótenshe qyzmetterdiń úıindilerdi taldaýy kezinde qaza tapqandardyń deneleri tabyldy. Osylaısha, qazir qaza tapqandar sany 115 adamǵa jetti. Іzdeý jumystary jalǵasyp jatyr, – delingen Reseı Federatsııasy Tergeý komıtetiniń habarlamasynda.
Buǵan deıin FQQ 11 adamdy, onyń ishinde «Krokýs Sıtı Hollda» shabýylǵa tikeleı qatysy bar 4 terrorıstiń ustalǵany jóninde baıandaǵan bolatyn.
Eske sala ketsek, keshe túnde Máskeýdiń soltústik-batysyndaǵy «Crocus City Hall» kontsert zalynda atys bolyp, kamýflıaj kıgen adamdar oq jaýdyrǵan edi. Sońǵy málimetterge nazar salsaq, teraktide qaza tapqandar sany 60-tan assa, 100-den asa adam jaraqat alǵan.
Osyǵan baılanysty Qazaqstan prezıdenti lańkestik áreket kezinde azamattardyń qaza tabýyna baılanysty Reseı prezıdenti Vladımır Pýtınge kóńil aıtty.
Sondaı-aq búgin memleket basshysy Qasym-Jomart Toqaev Reseıdegi lańkestik oqıǵaǵa baılanysty qabyldanatyn sharalar týraly Qaýipsizdik keńesiniń múshelerimen shuǵyl jıyn ótkizdi.
