QR Úkimeti Bitimgershilik operatsııaǵa daıyndyq qaǵıdalaryn bekitý týraly qaýly qabyldady
Qaýlyǵa qosymshaǵa sáıkes, Ulttyq kontıngenttiń jeke quramyn bitimgershilik operatsııalardy daıyndaý jáne ótkizý negizderine, halyqaralyq quqyq negizderine, bitimgershilik qyzmet jónindegi normatıvtik quqyqtyq baza erejelerine, ulttyq kontıngenttiń mindetterine jáne olardy oryndaý tásilderine oqytý Qazaqstan Respýblıkasynyń Qorǵanys mınıstri bekitken jospar boıynsha Qorǵanys mınıstrliginiń bazasynda iske asyrylady.
Sondaı-aq bitimgershilik operatsııalarǵa daıyndyqty josparlaý
syrtqy saıasat salasyndaǵy ýákiletti organnyń Qazaqstan Respýblıkasynyń Prezıdentine jáne QR Úkimetine ulttyq kontıngenttiń bitimgershilik operatsııaǵa qatysý syrtqy saıasatynyń oryndylyǵy týraly usynystardy engizýden bastalady.
Sonymen birge, qaýlynyń qosymshasynda kórsetilgendeı, Ulttyq kontıngenttiń quramyna ártúrli memlekettik organdardan áskerı jáne azamattyq personaldy tartý kezinde QR Úkimeti jedel shtab qurý týraly sheshim qabyldaıdy.
«QazAqparat» halyqaralyq agenttigi qujattyń tolyq mátinin taratady.
***
Bitimgershilik operatsııaǵa daıyndyq qaǵıdalaryn bekitý týraly
Qazaqstan Respýblıkasy Úkimetiniń 2016 jylǵy «10» maýsymdaǵy № 345 qaýlysy
«Qazaqstan Respýblıkasynyń bitimgershilik qyzmeti týraly» 2015 jylǵy
15 maýsymdaǵy Qazaqstan Respýblıkasynyń Zańy 8-babynyń 8) tarmaqshasyna sáıkes Qazaqstan Respýblıkasynyń Úkimeti QAÝLY ETEDІ:
1. Qosa berilip otyrǵan Bitimgershilik operatsııaǵa daıyndyq qaǵıdalary (budan ári - Qaǵıdalar) bekitilsin.
2. Ortalyq memlekettik organdar men Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdar
(kelisim boıynsha) bitimgershilik operatsııaǵa qatysýǵa erikti túrde nıet
bildirgen azamattar qatarynan ulttyq kontıngentti irikteýdi jáne olardy bitimgershilik daıyndyqtan ótý úshin Qazaqstan Respýblıkasynyń Qorǵanys mınıstrligine issaparǵa jiberýdi qamtamasyz etsin.
3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K. Másimov
***
Qazaqstan Respýblıkasy
Úkimetiniń
2016 jylǵy « 10 » maýsymdaǵy
№ 345 qaýlysymen
bekitilgen
Bitimgershilik operatsııaǵa daıyndyq qaǵıdalary
1. Jalpy erejeler
1. Osy Bitimgershilik operatsııaǵa daıyndyq qaǵıdalary
(budan ári - Qaǵıdalar) «Qazaqstan Respýblıkasynyń bitimgershilik qyzmeti týraly» 2015 jylǵy 15 maýsymdaǵy Qazaqstan Respýblıkasynyń Zańy
8-babynyń 8) tarmaqshasyna sáıkes ázirlendi jáne bitimgershilik operatsııaǵa daıyndyq tártibin aıqyndaıdy.
2. Bitimgershilik operatsııaǵa daıyndyqty josparlaý
2. Bitimgershilik operatsııalarǵa daıyndyqty josparlaý
(budan ári - bitimgershilik daıyndyq) syrtqy saıasat salasyndaǵy ýákiletti organnyń Qazaqstan Respýblıkasynyń Prezıdentine jáne Qazaqstan Respýblıkasynyń Úkimetine ulttyq kontıngenttiń bitimgershilik operatsııaǵa qatysý syrtqy saıasatynyń oryndylyǵy týraly usynystardy engizýden bastalady.
3. Ulttyq kontıngentti jiberýdi josparlaıtyn memlekettik organ quzyretti memlekettik organdarmen birlesip, múmkindiginshe bitimgershilik operatsııaǵa qatysý aýdanyna (aımaǵyna) aldyn ala barlaý júrgizedi jáne Qazaqstan Respýblıkasynyń Úkimetine mynadaı aqparat beredi:
1) bitimgershilik operatsııaǵa qatysý óńiriniń, aýdanynyń (aımaǵynyń) ınfraqurylymy jáne ulttyq kontıngentti materıaldyq-tehnıkalyq jáne basqa da qamtamasyz etý túrleri jónindegi usynystar;
2) negizgi mindetteri, qarý-jaraǵynyń, múlkiniń úlgisi men quramy, ulttyq kontıngenttiń sany men quramy, baǵynystylyǵy, bolý merzimderi, aýystyrý tártibi, bitimgershilik operatsııany ótkizý ornyna jáne keri qaraı shyǵarý, tasymaldaý sharttary, sondaı-aq naqty bitimgershilik operatsııaǵa baılanysty basqa da aqparat;
3) ulttyq kontıngenttiń bitimgershilik operatsııaǵa qatysý úshin onyń qarjylandyrý kózin kórsete otyryp qosymsha qarajat bólý týraly usynys.
4. Syrtqy saıasat salasyndaǵy ýákiletti organ bitimgershilik qyzmet máseleleri boıynsha halyqaralyq uıymdarmen jáne áriptes memlekettermen kelissózder júrgizedi, ózara is-qımyl jasaıdy.
3. Ulttyq kontıngentti oqytý
5. Ulttyq kontıngenttiń jeke quramyn bitimgershilik operatsııalardy daıyndaý jáne ótkizý negizderine, halyqaralyq quqyq negizderine, bitimgershilik qyzmet jónindegi normatıvtik quqyqtyq baza erejelerine, ulttyq kontıngenttiń mindetterine jáne olardy oryndaý tásilderine oqytý Qazaqstan Respýblıkasynyń Qorǵanys mınıstri bekitken jospar boıynsha Qazaqstan Respýblıkasy Qorǵanys mınıstrliginiń bazasynda iske asyrylýda.
6. Bitimgershilik daıyndyq barysynda azamattyq personalmen bitimgershilik qyzmettiń quqyqtyq negizderi, negizgi oqytý pánderi boıynsha teorııalyq erejeler jónindegi sabaqtar ótkiziledi, dala jattyǵýlary ulttyq kontıngenttiń quramynda bitimgershilik mindetterdi oryndaýmen baılanysty máseleler praktıkalyq jaǵynan pysyqtalady. Sabaqtarǵa qatysý barysynda eńbegine aqy tóleýdi, issapar shyǵystaryn tóleýdi oqytylatyn adam shtatynda turǵan memlekettik organ júzege asyrady. Memlekettik organdar (uıymdar) osy memlekettik organdardyń (uıymdar) qyzmetkerlerimen kelisimshart jasasady, onda bitimgershilik operatsııalarynyń sharty men qatysý tártibi kórsetiledi. Kelisimshart nysany qosymshaǵa sáıkes osy Qaǵıdalarda belgilenedi.
7. Bitimgershilik daıyndyq barysynda áskerı personalmen áskerı daıyndyq, bitimgershilik operatsııalarǵa arnaıy daıyndyq, bitimgershilik mıssııaǵa keter aldyndaǵy daıyndyq, shtabtyq jattyǵýlar, sondaı-aq bitimgershilik oqý-jattyǵýlar ótkiziledi.
8. Bitimgershilik daıyndyqty qamtamasyz etý jáne ulttyq kontıngenttiń bitimgershilik operatsııany júrgizýge arnalǵan mandatta kózdelgen mindetterdi oryndaý úshin qajetti bilim men praktıkalyq daǵdylardy alýy maqsatynda shet memleketterdiń azamattyq mamandary men qarýly kúshteriniń bólimshelerin tarta otyryp, oqý-jattyǵýlar, kýrstar, semınarlar, trenıngter men basqa da is-sharalar ótkizilýi múmkin.
9. Bitimgershilik oqý-jattyǵýlar halyqaralyq uıymdarmen jáne (nemese) áriptes memlekettermen yntymaqtastyq sheńberinde Qazaqstan Respýblıkasynyń aýmaǵynda jáne onyń sheginen tys jerde ótkiziledi.
Oqý-jattyǵýdy ótkizetin memlekettik organnyń shaqyrýy boıynsha bitimgershilik oqý-jattyǵýlarǵa óz salasyndaǵy mamandar retinde azamattyq personal tartylýy múmkin.
10. Qazaqstan Respýblıkasynyń Qorǵanys mınıstrligi bazasynda áskerı jáne/nemese azamattyq personaldyń bitimgershilik daıyndyǵy júzege asyrylatyn áskerı bólimdi (mekemeni) aıqyndaıdy.
11. Áskerı jáne/nemese azamattyq personaldyń quramy, qurylymy men sany Birikken Ulttar Uıymynyń (budan ári - BUU) Jarǵysyna sáıkes halyqaralyq uıym qabyldaǵan bitimgershilik operatsııany júrgizýge arnalǵan mandat negizinde aıqyndalady.
12. Bitimgershilik operatsııaǵa qatysý úshin qoıylatyn jalpy talaptar: til bilý, jeke psıhologııalyq erekshelikterin eskere otyryp, qolaısyz klımattyq jaǵdaılarda qyzmet ótkerýge jaramdylyǵy týraly medıtsınalyq komıssııanyń qorytyndysy, BUU-nyń suraý salýyna sáıkes kásibı deńgeıi men biliktiliginiń bitimgershilik operatsııada qoıylǵan mindetterdi oryndaýǵa sáıkes kelýi bolyp tabylady.
13. Qazaqstan Respýblıkasynyń Qorǵanys mınıstrligi ulttyq kontıngentti bitimgershilik operatsııaǵa jiberer aldynda bitimgershilik daıyndyqtan ótkennen keıin on kún merzimde ulttyq kontıngenttiń bitimgershilik operatsııaǵa daıyndyǵy týraly Qazaqstan Respýblıkasynyń Úkimetin habardar etedi.
4. Jedel shtab qurý
14. Ulttyq kontıngenttiń quramyna ártúrli memlekettik organdardan (uıymdardan) áskerı jáne azamattyq personaldy tartý kezinde Qazaqstan Respýblıkasynyń Úkimeti jedel shtab qurý týraly sheshim qabyldaıdy.
15. Qazaqstan Respýblıkasynyń sheginen tys jerde ulttyq kontıngenttiń jumys isteýin qamtamasyz etý jónindegi mindetterdi sheshý jáne týyndaıtyn problemalardy ýaqtyly sheshý úshin ulttyq kontıngenttiń bitimgershilik operatsııaǵa qatysýy kezeńinde jedel shtab qurylady. Jedel shtab quramyna qyzyǵýshylyq tanytqan ortalyq memlekettik organdardyń ókilderi engiziledi. Áskerı personaldy jiberetin memlekettik organnyń birinshi basshysy jedel shtabtyń basshysy bolyp taǵaıyndalady.
5. Bitimgershilik daıyndyqtyń ózge de máseleleri
16. Ulttyq kontıngentti materıaldyq-tehnıkalyq qamtamasyz etý «Qazaqstan Respýblıkasynyń bitimgershilik qyzmeti týraly» 2015 jylǵy 15 maýsymdaǵy Qazaqstan Respýblıkasynyń Zańy 14-babynyń sheńberinde júzege asyrylady.
17. Ulttyq kontıngentin bitimgershilik operatsııaǵa qatysý úshin jiberý josparlanyp otyrǵan memlekettik organ (uıym):
1) tegin medıtsınalyq kómektiń kepildik berilgen kólemi sheńberinde ulttyq kontıngentke keter aldynda jáne bitimgershilik operatsııaǵa qatysý kezeńinde profılaktıkalyq egýlerdi, sondaı-aq bitimgershilik operatsııadan qaıtyp oralǵannan keıin ońaltý is-sharalaryn júrgizýdi uıymdastyratyn jáne qamtamasyz etetin densaýlyq saqtaý salasyndaǵy ýákiletti organǵa;
2) qoljetimdi baılanys túrlerimen qamtamasyz etýge jáne ulttyq kontıngent pen júkterdi bitimgershilik operatsııany júrgizý aımaǵyna (aýdanyna) jáne keri qaraı tasymaldaýǵa járdemdesetin baılanys jáne kólik salasyndaǵy ýákiletti organǵa ótinish jasaıdy.
_____________________________
Bitimgershilik operatsııaǵa
daıyndyq qaǵıdalaryna
qosymsha
Bitimgershilik operatsııaǵa qatysý týraly kelisimsharttyń úlgilik nysany
________________________________________________________________________________________________________________________________________
(ýákiletti memlekettik organnyń ataýy, ornalasqan jeri)
____________________________________________________________________
atynan
____________________________________________________________________
(ýákiletti memlekettik organnyń (uıymnyń)
____________________________________________________________________
laýazymdy adamynyń tegi, aty, ákesiniń aty (bar bolsa) jáne laýazymy)
jáne
____________________________________________________________________
(bitimgershilik operatsııaǵa qatysatyn adamnyń tegi, aty, ákesiniń aty)
____________________________________________________________________
(budan ári - azamat)
____________________________________________________________________
(onyń jeke basyn kýálandyratyn qujattyń ataýy, nómiri jáne berilgen kúni)
____________________________________________________________________
(jeke sáıkestendirý nómiri)
bitimgershilik operatsııaǵa qatysý týraly zańnamada jáne osy kelisimshartta belgilengen sharttarda ___________ merzimge osy kelisimshartty jasasty.
1. Bitimgershilik operatsııaǵa qatysatyn azamat erikti negizde __________________________laýazymyna taǵaıyndalady, Qazaqstan Respýblıkasynyń Eńbek kodeksinde, «Qazaqstan Respýblıkasynyń bitimgershilik qyzmeti týraly» 2015 jylǵy 15 maýsymdaǵy Qazaqstan Respýblıkasynyń Zańynda kózdelgen sharttarmen tanysty jáne oǵan bitimgershilik operatsııanyń zııandy jáne qaýipti jaǵdaılary týraly, sondaı-aq mindetterdi oryndaýmen baılanysty quqyqtarynyń shekteletini týraly eskertildi.
2. Bitimgershilik operatsııaǵa qatysatyn azamat:
1) Qazaqstan Respýblıkasynyń Konstıtýtsııasyn jáne basqa normatıvtik quqyqtyq aktilerin saqtaýǵa;
2) «Qazaqstan Respýblıkasynyń bitimgershilik qyzmeti týraly» 2015 jylǵy 15 maýsymdaǵy Qazaqstan Respýblıkasynyń Zańynda belgilengen shekteýlerdi qabyldaýǵa;
3) kelisimsharttyń qoldanylý kezeńi ishinde bitimgershilik operatsııaǵa qatysý barysynda mindetterdi adal oryndaýǵa;
4) eńbek tártibin jáne qyzmettik etıka qaǵıdalaryn saqtaýǵa;
5) laýazymdyq mindetterdi oryndaý protsesinde memlekettik múlikke nuqsan keltirýge jol bermeýge;
6) memlekettik qupııalardy quraıtyn málimetterdi, onyń ishinde bitimgershilik operatsııaǵa qatysý aıaqtalǵannan keıin de, Qazaqstan Respýblıkasynyń zańnamasynda belgilengen ýaqyt ishinde jarııa etpeýge;
7) komandırlerdiń (bastyqtardyń) jáne ózge de laýazymdy adamdardyń berilgen ókilettikter sheginde berilgen buıryqtary men ókimderin oryndaýǵa mindetti.
3. Bitimgershilik operatsııaǵa qatysatyn azamat:
1) Qazaqstan Respýblıkasynyń Konstıtýtsııasynda jáne zańnamasynda kepildik berilgen quqyqtary men bostandyqtaryn paıdalanýǵa;
2) Qazaqstan Respýblıkasynyń zańnamasynda kózdelgen normalar boıynsha jáne tártippen memleket esebinen aqshalaı, kıim-keshekpen jáne qamtylymnyń basqa da túrlerimen qamtamasyz etilýge;
3) Qazaqstan Respýblıkasynyń eńbek zańnamasynda kózdelgen sharttarda ýákiletti memlekettik organmen kelisimshart jasasýǵa, merzimin uzartýǵa jáne ony buzýǵa;
4) Qazaqstan Respýblıkasynyń zańnamasynda belgilengen tártippen bitimgershilik qyzmet barysynda mindetterdi oryndaý kezinde ómirine jáne densaýlyǵyna nemese jeke múlkine keltirilgen zalaldyń ótelýine;
5) Qazaqstan Respýblıkasynyń zańnamasynda belgilengen jeńildikter, kepildikter men ótemaqylar alýdy qosa alǵanda, bitimgershilik qyzmetpen baılanysty quqyqtarynyń jáne onyń otbasy músheleri quqyqtarynyń saqtalýyna quqyǵy bar.
4. __________________________________________________________
(ýákiletti memlekettik organnyń (uıymnyń) ataýy)
bitimgershilik operatsııaǵa qatysý úshin azamat
___________________________________________________qabyldaı otyryp:
(aty, tegi, ákesiniń aty)
1) azamatqa Qazaqstan Respýblıkasynyń normatıvtik quqyqtyq aktilerinde, eńbek sharttarynda, ujymdyq sharttarda, jumys berýshiniń aktilerinde kózdelgen jalaqyny jáne ózge de tólemderdi ýaqtyly jáne tolyq mólsherde tóleýge;
2) osy kelisimshartty jasasý kezinde azamatty Qazaqstan Respýblıkasynyń zańnamasynda aıqyndalǵan laýazymdyq mindetterimen jáne bitimgershilik qyzmet sharttarymen tanystyrýǵa;
3) Qazaqstan Respýblıkasynyń zańnamasynda kózdelgen tártippen jáne sharttarda bitimgershilik qyzmet barysynda mindetterdi oryndaý kezinde azamatqa ómirine jáne densaýlyǵyna nemese jeke múlkine keltirilgen zalaldyń ótelýin qamtamasyz etýge;
4) bitimgershilik operatsııaǵa qatysatyn adamdy bitimgershilik qyzmettiń zııandy jáne qaýipti jaǵdaılary men kásibı syrqattanýdyń múmkindigi týraly, sondaı-aq bitimgershilik qyzmet barysynda mindetterdi oryndaýmen baılanysty quqyqtarynyń shekteletini týraly eskertýge;
5) bitimgershilik operatsııaǵa qatysý úshin azamatty issaparǵa jiberý týraly buıryq shyǵarýǵa mindettenedi.
5. Ýákiletti memlekettik organnyń laýazymdy adamy:
1) «Qazaqstan Respýblıkasynyń bitimgershilik qyzmeti týraly»
2015 jylǵy 15 maýsymdaǵy Qazaqstan Respýblıkasynyń Zańynda belgilengen sharttarda azamatpen kelisimshart jasasýǵa, merzimin uzartýǵa jáne ony buzýǵa;
2) kelisimshart jasasý kezinde bitimgershilik operatsııaǵa qatysatyn adamnan Qazaqstan Respýblıkasynyń Eńbek kodeksinde kózdelgen qujattardy usynýyn talap etýge;
3) Qazaqstan Respýblıkasynyń Eńbek kodeksinde belgilengen tártippen kótermeleýge jáne tártiptik jaza qoldanýǵa quqyǵy bar.
6. Osy kelisimshart bitimgershilik operatsııaǵa qatysý úshin azamatty issaparǵa jiberý týraly buıryq shyǵarylǵan kúnnen bastap kúshine enedi jáne ol jasalǵan merzim aıaqtalǵannan soń nemese onyń buzylýyna baılanysty óz qoldanysyn toqtatady.
7. Kelisimsharttyń sharttary taraptardyń oryndaýy úshin mindetti bolyp tabylady, taraptardyń daýlary Qazaqstan Respýblıkasynyń zańnamasynda belgilengen tártippen sheshiledi.
8. Kelisimshart memlekettik jáne orys tilderinde _______danada jasaldy, onyń bir danasy bitimgershilik operatsııaǵa qatysatyn adamǵa beriledi.
9. Qosymsha sharttar__________________________________________
__________________________________________________________________________________________________________________________________________________________________________ _________________________________
(bitimgershilik operatsııaǵa qatysatyn (ýákiletti memlekettik organnyń
(uıymnyń)
__________________________________ _________________________________
adamnyń tegi, aty, ákesiniń aty) laýazymdy adamynyń tegi, aty,
ákesiniń aty)
__________________________________ _________________________________
(jeke qoly) (jeke qoly)
M.O.
20__ j. «___»__________ 20__ j. «___»___________
Kelisimsharttyń qoldanysyn toqtatý____________________________________
(toqtatylǵan kúni jáne negizdemesi)
________________________________________________________________________________________________________________________________________
M.O. __________________________________________
Memlekettik organnyń (uıymnyń) basshysy
_____________________
