QR Syrtqy ister mınıstriniń orynbasary Eýropa elderiniń jańa elshilerinen senim gramotalarynyń kóshirmelerin qabyldady
Qazaqstan-Belgııa qarym-qatynastaryn odan ári damytý máselelerin talqylaý sheńberinde E.Álimbaev pen A.Vantıgem 2021 jylǵa josparlanǵan birlesken is-sharalardy, sonyń ishinde Vena qalasynda (Aýstrııa) Parlamentter spıkerleriniń 5-dúnıejúzilik konferentsııasy alańynda eki el Parlamentteri spıkerleriniń kezdesýin, sondaı-aq Belgııanyń «AWEX» jáne «FIT» óńirlik agenttikteri bastaǵan ekonomıkalyq mıssııanyń Qazaqstanǵa saparyn talqylady.
Taraptar Qazaqstanǵa basqa Belgııa ınvestorlary men kompanııalarynyń kelýi úshin qosymsha yntalandyrý bolyp tabylatyn Qazaqstandaǵy «Benelux» Saýda palatasy jumysy bastalýynyń mańyzyn atap ótti.
EO ókildiginiń basshysymen kelissózder barysynda taraptar halyqaralyq jáne óńirlik kún tártibiniń ózekti máselelerin talqylady, sondaı-aq jaqyn, orta jáne uzaq merzimdi ózara is-qımyldyń basym baǵyttaryn aıqyndady.
2021 jylǵy 5-6 qazanda gıbrıdti formatta ótkizý josparlanyp otyrǵan «Ortalyq Azııa – Eýropalyq Odaq» azamattyq forýmyn uıymdastyrýǵa jáne joǵary deńgeıdegi saparlardy ótkizýge erekshe nazar aýdaryldy.
Qazaqstan Respýblıkasy men Eýropalyq Odaq arasyndaǵy Keńeıtilgen áriptestik pen yntymaqtastyq týraly kelisimniń oryndalý barysy jan-jaqty talqylandy.
M.Albertımen kezdesýde E. Álimbaev Qazaqstan men Italııa arasyndaǵy syndarly saıası dıalogtyń, saýda-ekonomıkalyq jáne mádenı-gýmanıtarlyq ózara is-qımyldyń dáıekti damyp kele jatqanyn rızashylyqpen atap ótti.
Elderimiz arasyndaǵy saýdanyń edáýir kólemi men Qazaqstanǵa quıylǵan ıtalıan ınvestıtsııalaryn nazarǵa ala otyryp, ekijaqty saýda-ekonomıkalyq jáne ınvestıtsııalyq yntymaqtastyqty odan ári tereńdetýdiń mańyzdylyǵyna nazar aýdaryldy.
Rýmynııanyń jańadan taǵaıyndalǵan Elshisi M. Lýpýmen kezdesý barysynda E. Álimbaev dıplomatty qyzmetke taǵaıyndalýymen quttyqtap, onyń aldaǵy jumysy Qazaqstan men Rýmynııa arasyndaǵy qarym-qatynastardy odan ári damytýǵa yqpal etetinine senim bildirdi.
Taraptar eki el arasynda dostyq qarym-qatynastar men syndarly saıası dıalog ornaǵanyn, saýda-ekonomıkalyq jáne mádenı-gýmanıtarlyq ózara is-qımyldyń dáıekti damyp kele jatqanyn atap ótti.
Kezdesýlerdiń qorytyndylary boıynsha E.Álimbaev dıplomattardyń qyzmetterine sáttilik tiledi.
