QR Syrtqy ister mınıstriniń orynbasary EKPA tóraǵasymen kezdesti

NUR-SULTAN. QazAqparat – Qazaqstan Syrtqy ister mınıstriniń orynbasary Aqan Rahmetýllın Qazaqstanǵa resmı sapary sheńberinde Eýropa Keńesi Parlamenttik Assambleıasynyń tóraǵasy Rık Desspen kezdesý ótkizdi. Bul týraly QazAqparat QR SІM baspasóz qyzmetine silteme jasap habarlaıdy.

Ol genderlik teńdik jáne áıelderdiń quqyqtaryn qorǵaý jónindegi dóńgelek ústelge qatysady.

Taraptar Qazaqstan men Eýropa Keńesiniń ekijaqty kún tártibiniń ózekti máselelerin, sonyń ishinde EKPA-men, quqyq arqyly demokratııa úshin Eýropalyq komıssııamen jáne sybaılas jemqorlyqqa qarsy EK memleketteriniń tobymen yntymaqtastyqty talqylady.

Mınıstrdiń orynbasary Qazaqstan men EKPA arasyndaǵy saıası dıalogtyń damýynyń oń dınamıkasyn atap ótip, zań shyǵarý qyzmetinde tájirıbe almasý, demokratııa men quqyq ústemdigi qaǵıdattaryn ilgeriletý, sondaı-aq Qazaqstannyń birqatar eýropalyq konventsııalarǵa, onyń ishinde Eýropa Keńesiniń sybaılas jemqorlyq úshin qylmystyq jaýapkershilik týraly konventsııasyna qosylýy turǵysynan birlesken jumystyń mańyzdylyǵyn atap ótti.

Óz kezeginde R.Dems Qazaqstannyń saıası reformalardy júzege asyrýdaǵy jumysy men jetistikterin quptap, sondaı-aq EKPA-nyń Qazaqstanmen parlamentaralyq baılanystardy nyǵaıtýǵa jáne Eýropa Keńesiniń basqa ınstıtýttary sheńberindegi yntymaqtastyqty keńeıtýge járdemdesýge daıyn ekendigine sendirdi.

Qazaqstan Respýblıkasynyń Parlamenti men Eýropa Keńesiniń Parlamenttik Assambleıasy (EKPA) arasyndaǵy yntymaqtastyq týraly kelisimge EKPA-nyń kóktemgi sessııasy sheńberinde 2004 jylǵy 30 sáýirde Strasbýrgte qol qoıyldy.