QR SІM Taıland pen Mıanmada quldyqtaǵy qazaqstandyqtar týraly málimetti anyqtaýda

ASTANA. QazAqparat – QR Syrtqy ister mınıstri BAQ ókilderine Taıland pen Mıanma elderinde quldyqqa tap bolǵany týraly málimdegen qazaqstandyqtardyń jaǵdaıy týraly málimet berdi, dep habarlaıdy QazAqparat tilshisi.

«Ol azamattar boıynsha qazir jumysty jalǵastyrýdamyz. Taılan, Mıanma elderiniń Syrtqy ister mınıstrlikterimen baılanystamyz. Ózderińiz biletindeı, bul – halyqaralyq-krımınaldyq toptardyń isi. Bul «altyn úshburysh» dep atalatyn jer. Ol jerde bılik te joq, baılanys ta joq», - dedi SІM resmı ókili Aıbek Smadııarov.

Onyń aıtýyna qaraǵanda, ázirge eki azamattan ǵana resmı ótinish túsken.

«Qazir bizdiń azamattar sol jerde. Eki azamat bizge ótinish bildirdi. Tekserilmegen aqparattar boıynsha taǵy basqa azamattar bar dep estip jatyrmyz. Olarǵa aıtarymyz, bizdi estip jatsa, sizderdi oqyp jatsa, aty-jónderin naqty atap, ózderi týraly málimet bersin, qoryqpasyn», - dedi mınıstrlik ókili.