QR SІM Ońtústik Koreıadan «jasyl dáliz» arqyly qansha qazaqstandyq oralǵanyn aıtty

ASTANA. QazAqparat – QR Syrtqy ister mınıstrliginiń resmı ókili Aıbek Smadııarov Ońtústik Koreıadan «jasyl dáliz» arqyly qansha qazaqstandyq oralǵanyn aıtty, dep habarlaıdy QazAqparat tilshisi.

«Shamamen bir aı buryn alǵan sońǵy derekter boıynsha, bizdiń Ońtústik Koreıadaǵy zańsyz eńbek mıgranttarynyń sany qysqardy. Bizdiń shamamen 7-8 myń bizdiń azamatymyz ol elde zańsyz júr. Buryn 11-12 myńdaı bolǵan. ıAǵnı, kóbi osy «jasyl dálizdi» paıdalanǵan. Jalpy olar jasyl dálizsiz-aq atalǵan elden erkin shyǵa alady. Sonymen birge, Koreıa Elshiligi arnaıy ruqsat berý praktıkasyn engizdi. Ońtústik Koreıaǵa vızasyz rejımmen kirmes buryn barlyq qajetti qujattardy ótkizý kerek. Bul – áýe bıletteri, medıtsınalyq saqtandyrý, keri baǵytqa alǵan bılet pen qonaqúı brondaǵany týraly qujattar. Sondyqtan bizdiń azamattar burynǵy sııaqty ol elge baryp alyp, qalyp qoıa almaıdy», - dedi Aıbek Smadııarov.