QR SІM Qazaqstannyń Qytaıdaǵy dostary klýbynyń múshelerine medal taqty
Sharaǵa QHR Qazaqstandaǵy burynǵy elshisi Chjoý Lı, ıAo Peshen jáne QHR SІM Eýropa jáne Ortalyq Azııa elderi departamentiniń dırektory men Qytaı qoǵamdyq ǵylymdar akademııasynyń sarapshylary, QHR Memkeńesiniń damýdy zertteý ortalyǵynyń, Halyqaralyq qatynastardy zertteý jónindegi Qytaı ınstıtýtynyń, Qytaı qazirgi zamanǵy halyqaralyq qatynastar akademııasynyń, Strategııalyq zertteý ınstıtýtynyń ókilderi qatysty.
Qazaqstan tarapynan Qaýipsizdik Keńesi hatshysynyń birinshi orynbasary Marat Shaıhýtdınov, QR Syrtqy ister mınıstriniń orynbasary Aqylbek Kamaladınov, Qazaqstannyń Qytaıdaǵy Tótenshe jáne ókiletti elshisi Shahrat Nuryshev, QR SІM ortalyq ákimshiliginiń qyzmetkerleri, Qytaıdaǵy qazaqstandyq dıplomattar qatysty.
«QHR tóraǵasy Sı Tszınpın 2013 jyly Astanaǵa kelip, Jibek jolyn jańǵyrtý týraly ıdeıasyn ortaǵa tastaǵan bolatyn. 2018 jyly ıdeıanyń iske asqanyna 5 jyl tolady. Qazirgi kúni Jibek jolyn jańǵyrtý ıdeıasy halyqaralyq kooperatsııa men ekonomıkalyq ósim draıverine aınaldy»,- dedi QR Syrtqy ister mınıstriniń orynbasary Aqylbek Kamaladınov.
Ol «Qazaqstannyń jańǵyrýy 3.0», «Nurly jol», «Bir beldeý, bir jol» baǵdarlamalarynyń iske asyrylýy týraly aıtyp berdi. Qazaqstannyń Qytaıdaǵy dostary klýbynyń músheleri óz baıandamalarynda ekijaqty qarym-qatynas pen ony ári qaraı damytý baǵytyndaǵy naqty usynystary týraly aıtyp berdi.
Kezdesý sońynda A.Kamaladınov Qazaqstannyń Qytaıdaǵy dostary klýbynyń múshelerin «Qazaqstan Respýblıkasynyń dıplomatııalyq qyzmetine 25 jyl» medalimen marapattady. Olar: QHR-dyń Qazaqstandaǵy burynǵy elshisi Chjoý Lı, ıAo Peshen, Beıjiń shet tilderi ýnıversıtetiniń rektory Pen Lýn, Qytaı halyqaralyq máseleler ınstıtýtynyń ShYU ortalyǵynyń dırektory Chen ıÝıjýn, Qytaı qoǵamdyq ǵylymdary akademııasy, Reseı, Shyǵys Eýropa jáne Ortalyq Azııa ınstıtýtynyń dırektory Lı ıÝntsıýan, QHR SІM Eýropa jáne Ortalyq Azııa elderi departamentiniń dırektory Hý Chýnmeı, Pekın shet tilderi ýnıversıtetiniń professory Lıý Chjen, Qytaı qazirgi zamanǵy halyqaralyq qatynastar akademııasynyń dırektory Tszı Chjıe, ataqty túrkolog Erkin Aýgalı.
Aıta keteıik, Qazaqstannyń Qytaıdaǵy dostary klýbynyń músheleri 2015 jyldyń 10 qarashasynda qurylǵan.
