13:44, 16 Tamyz 2021 | GMT +6
QR SІM Aýǵanstannyń 70 000 azamatyn qabyldaý týraly aqparatty joqqa shyǵardy
NUR-SULTAN. QazAqparat - WhatsApp messendjerinde Qazaqstanǵa Aýǵanstannyń 70 000 azamaty keledi degen qaýeset tarady, dep habarlaıdy QazAqparat Stopfake.kz saıtyna silteme jasap.
Alǵashqy 500 adam ushaqpen Shymkent áýejaıyna qonǵan, aldaǵy kúnderi taǵy 1500 adam keledi eken.
Aýǵanstannan bosqyndardyń keletini jáne olardyń Shymkent pen Túrkistan oblysyna ornalastyrylatyny týraly aqparatty QR Syrtqy ister mınıstrligi joqqa shyǵardy.
– Búgingi kúni taraǵan aqparat shyndyqqa janaspaıdy, – dep habarlady vedomstvonyń baspasóz qyzmeti.
«Barshańyzdy tek resmı aqparatqa ǵana senýge shaqyramyz! Jańalyqtyń shynaıylyǵyn bizdiń portaldyń kómegimen tekserýge bolady. Ózińizdi qyzyqtyrǵan aqparatty t.me/stopfake_kz Telegram-arnasyna nemese +7 707 739 5599 WhatsApp nómirine jiberińiz»,-delingen habarlamada.
