QR Prezıdentiniń Muraǵaty Ult josparyn iske asyrýda
Ashyq Úkimet qalyptastyrý mindeti (94-qadam) eldiń muraǵattyq mekemeleriniń jumysyna tikeleı qatysty. Muraǵat tarıhı qujattamalyq aqparatty saqtaýshy ári derekkózi retinde - QR azamattarynyń aqparatty alý quqyǵyn qamtamasyz etedi. Osy máseledegi muraǵattardyń ashyqtyǵy elde ashyq azamattyq qoǵam qalyptastyrýǵa tikeleı jaýap beredi.
Turaqty saqtaýynda, memlekettik organdar qyzmeti týraly aqparat bar memlekettik muraǵattar azamattar men mekemelerden kelip túsken áleýmettik-quqyqtyq jáne taqyryptyq sıpattaǵy saýaldardy oryndaýdy qamtamasyz etedi. Olardy oryndaýdyń tolyqtyǵy men shuǵyldyǵy birishi kezekte qujattardy memlekettik saqtaýǵa iriktep qanshalyqty sapaly bolǵandyǵyna táýeldi bolady.
Osylaısha, jyl saıyn Muraǵattyń saraptamalyq tekserý ádistemelik komıssııasy jınaqtaý kózderi - uıymdarynyń 4,5 myńnan astam muraǵattyq isterin qarastyrady. Muraǵat sarapshylary is júrgizýge jáne qujattardy vedomstvolyq saqtaýǵa jaýapty memlekettik organdar qyzmetkerlerine ádistemelik jáne konsýltatıvtik kómek kórsetedi.
Muraǵattyń aqparatty shuǵyl izdestirýi úshin ǵylymı-anyqtamalyq apparatty jetildirý jáne qazirgi zamanǵy kompıýterlik tehnologııalardy endirýdi jetildirý boıynsha turaqty jumys júrgizilýi tıis. QR Prezıdenti Muraǵatynyń óndiristik qyzmetine Elektrondyq muraǵatty engizý jınaqtaý men saqtalýyn qamtamasyz etýden bastap muraǵattyq qujattardy paıdalanǵanǵa deıin dástúrli murǵattyq protsesterdi avtomattandyrýǵa múmkindik beredi.
Muraǵattyń oqý zalyna kelýshiler qajetti aqparatty izdeý úshin mynadaı aqparattyq-izdestirý júıeleri engizilgen biryńǵaı DQ paıdalana alady: «Muraǵattyq qor», «Bıliktiń joǵary organdarynyń dırektıvtik sheshimderi», «Asa qundy qujattar» jáne basqalary. Derekter qorynyń úlken bir bóligi QR Prezıdenti Muraǵatynyń saıtynda ornalastyrylǵan: https://archive.president.kz/.
Prezıdent Muraǵaty tikeleı qatysatyn «100 naqty qadam» Ult josparynyń taǵy bir baǵyty - bul «MENІŃ ELІM» azamattyq tutastyqty nyǵaıtýdyń ult josparyn iske asyrý (87-qadam). «Máńgilik El» jalpy ulttyq ıdeıany tanytýda qomaqty úlesti Qazaqstannyń Táýelsizdiginiń 25 jyldyǵyna oraı daıyndalǵan QR Prezıdenti Muraǵatynyń is-sharalary engizdi. Tarıhı qujattamalyq kórmelerdiń, dóńgelek ústelderdiń, tusaýkeserler men basqa da qoǵamdyq-saıası jáne buqaralyq-mádenı is-sharalardyń kóptegen qatysýshylary muraǵattyq qujattar negizinde eldiń tarıhyna tereń boılaýǵa, jańa faktiler men bizdiń halqymyzdyń ótkenine kóz júgirtýge múmkindik aldy. Qazaqstan Táýelsizdiginiń 25 jyldyǵyna oraı mereıtoılyq is-sharalardyń kópshiligi mynadaı uıymdyq seriktestermen birlesip uıymdastyryldy: Qazaqstan Respýblıkasynyń Syrtqy ister mınıstrligi, Qazaqstan halqy Assambleıasy, Qazaqstan Respýblıkasynyń Ǵylym akademııasy, ulttyq mádenı ortalyqtar jáne t.b. Eldiń ártúrli óńirlerinde Prezıdent Muraǵatynyń is-sharalary sátti ótti, atap aıtqanda Jambyl oblysy Moıynqum aýdanynyń, Jezqazǵan jáne Túrkistan qalalarynyń, Aqtóbe, Shyǵys Qazaqstan, Soltústik Qazaqstan, Ońtústik Qazaqstan jáne Qyzylorda oblystarynyń jáne basqa da óńirlerdiń tarıhı-qujattamalyq kórmeleri men dóńgelek ústelderi. Árbir óńirde is-sharalar seriktesteri oblystyq, qalalyq jáne aýdandyq muraǵattar boldy.
QR Prezıdenti Muraǵatynyń «Ekinshi dúnıejúzilik soǵysta áskerı tutqyndalǵan qazaqstandyqtar: ádebıet, derekter kózi men qory», «30-jyldardaǵy Qazaqstandaǵy ashtyq: qujattar men faktiler», «1919-1991 jj. Keńestik Qazaqstannyń nomenklatýralyq kadrlary», qujattar jınaqtary, maqalalar men jarııalanymdar, tarıhı-qujattamalyq kórmeleri - kún ótken saıyn Qazaqstannyń tarıhy men mádenıeti týraly bilgisi keletinder úshin tanymal aqparattyq resýrsqa aınalyp keledi.
Qazaqstannyń muraǵatshylary el bolashaǵy tek qana memlekettik organdar qyzmetine ǵana emes, sondaı-aq árbir uıymnyń, árbir azamattyń áreketine táýeldi ekeninen senimdi - mine dál osyǵan eldiń muraǵattarynda saqtalǵan Qazaqstannyń táýelsizdigi tarıhynyń muraǵattyq qujattary kýálik etedi.
