QR Prezıdentiniń Halyqaralyq yntymaqtastyq jónindegi arnaýly ókili Aýstrııaǵa jumys saparymen bardy
Sapar barysynda EQYU Bas hatshysy Helga Shmıdpen, BUU Bas hatshysynyń orynbasary, BUU Esirtki jáne qylmys jónindegi basqarmasynyń Atqarýshy dırektory Gada Ýalımen kezdesýler ótkizip, Aýstrııa Parlamentiniń bir top depýtatymen, Federaldyq Prezıdent Ákimshiliginiń jáne Aýstrııanyń syrtqy saıası vedomstvosynyń resmı tulǵalarymen kelissózder júrgizdi.
Іs-sharalar kezinde Arnaýly ókil halyqaralyq uıymdarmen tıimdi ári jan-jaqty yntymaqtastyqty damytý Qazaqstannyń syrtqy saıasatyndaǵy strategııalyq basymdyǵy ekenin atap ótti.
BUU-nyń Venadaǵy bólimshesiniń basshysy Gada Ýalı óńirlik jáne halyqaralyq deńgeıdegi BUU EQB-men yntymaqtastyǵy jáne qoldaýy, sondaı-aq zańsyz esirtki trafıgine, qylmysqa, sybaılas jemqorlyq pen terrorızmge qarsy kúrestegi belsendiligi úshin Uıymnyń atynan Qazaqstanǵa alǵys bildirdi. Ol óńirdegi quqyq qorǵaý organdarynyń jumysyn tıimdi úılestiretin Esirtkiniń zańsyz aınalymyna qarsy kúres jónindegi Ortalyq Azııa óńirlik aqparattyq úılestirý ortalyǵy (OAÓAÚO) platformasynyń mańyzdylyǵyna nazar aýdardy. Sonymen birge Aýǵanstan jáne kórshi elder boıynsha óńirlik baǵdarlamaǵa qol qoıý aıasynda BUU EQB basshysy jaqyn ýaqytta Ortalyq Azııa elderine saparmen kelýge nıetti ekenin jetkizdi.
EQYU basshysy Helga Shmıdpen ótken kezdesýde halyqaralyq kún tártibindegi ózekti máseleler boıynsha, sondaı-aq Uıymmen ekijaqty ózara is-qımyldyń keń aýqymy týraly, onyń ishinde óńir elderiniń kólik-tranzıttik áleýetin odan ári damytý máseleleri jóninde tushymdy oılar ortaǵa salyndy.
Erjan Qazyhan Bas hatshyny Qazaqstanda QR Prezıdenti Qasym-Jomart Toqaevtyń bastamasy boıynsha júrgizilip jatqan demokratııalyq ózgeristerdi ilgeriletýge baǵyttalǵan reformalar týraly habardar etti. Sonymen qatar olar áıelderdiń áleýmettik jaǵdaıyn jaqsartý, klımattyń ózgerýi jáne COVID-19 pandemııasynyń saldaryn eńserý máselelerine nazar aýdarýdyń mańyzdylyǵyn aıtty.
Taraptar qazirgi ýaqytta EQYU-ǵa qatysýshy barlyq memleketterdiń birlesip, Aýǵanstandaǵy jaǵdaıdy turaqtandyrý jáne aýǵan halqyna kómek kórsetý isindegi kúsh-jigerdi jumyldyrý qajet ekenine basa mán berdi.
EQYU Bas hatshysy Uıymnyń qyzmetine únemi jáne dáıekti qoldaý kórsetip kele jatqany úshin Qazaqstanǵa rızashylyǵyn bildirdi.
Budan bólek Erjan Qazyhan Aýstrııa Parlamentiniń depýtattary – adam quqyqtary jónindegi Parlamenttik komıtettiń múshelerimen kezdesý ótkizdi.
Aýstrııalyq depýtattar óz kezeginde Qazaqstannyń saıası reformalarynyń áleýetin qoldap, adam quqyqtary salasynda júıeli túrde júzege asyrylyp jatqan sharalardyń mańyzdylyǵyn atap ótti.
Arnaýly ókil Qazaqstannyń keń aýqymdy máseleler tizbegi boıynsha, onyń ishinde demokratııalandyrý, zań ústemdigi men adam quqyqtaryn qamtamasyz etý, azamattyq ınstıtýttardy damytý salasynda ashyq ári syndarly dıalogqa ázir ekenin aıtty.
Federaldyq Prezıdent Ákimshiliginiń joǵary ókilderimen jáne Aýstrııa SІM basshylyǵymen kelissózder sheńberinde taraptar saıası jáne saýda-ekonomıkalyq yntymaqtastyqtyń qazirgi jaı-kúıi men keleshegine, halyqaralyq kún tártibindegi ózekti máselelerge, onyń ishinde Aýǵanstandaǵy sońǵy oqıǵalarǵa, pandemııanyń áleýmettik-ekonomıkalyq saldarymen kúresine jáne klımattyń ózgerýi boıynsha jalpy kúsh-jigerdi úılestirýge qatysty problemalardy keshendi túrde talqylady.
Bıylǵy 22 qyrkúıekte Nur-Sultan qalasynda ótken Qazaqstan-Aýstrııa úkimetaralyq komıssııasynyń qorytyndylary boıynsha qol jetkizilgen kelisimderdi iske asyrý, joǵary jáne asa joǵary deńgeıdegi saıası dıalogty jandandyrý jóninde túbegeıli ýaǵdalastyqqa qol jetkizildi.
Aýstrııalyq tarap Qazaqstan Aýstrııanyń Ortalyq Azııa óńirindegi jetekshi seriktesi ekenin jáne bizdiń elderimiz arasyndaǵy yntymaqtastyqty odan ári nyǵaıtý úshin zor áleýet bar ekenin jetkizdi.
Sapar sońynda Erjan Qazyhan Aýstrııanyń eń bedeldi basylymdarynyń biri «Kronen Zeitung» tilshisine suhbat berdi. Áńgimelesý barysynda Qazaqstannyń sheteldik seriktestermen yntymaqtastyǵynyń, jahandyq jáne aımaqtyq qaýipsizdiktiń, elimizdi odan ári saıası turǵydan jańǵyrtýdyń, qazaqstandyq QazVac vaktsınasyn ilgeriletýdiń jáne vaktsınatsııa pasporttaryn ózara qabyldaýdyń ózekti máseleleri sóz boldy.
