QR Prezıdenti: Sot júıesi týraly alańdaýshylyqtar zańdy
«Sot júıesi týraly alańdaýshylyqtar zańdy ekenin ashyq aıtý kerek. Qazir reforma júrip jatyr. Qalaı iske asyp jatyr, qarqyny qandaı? Bul, árıne, pikirtalas týdyratyn másele. Biraq reforma iske asyrylyp jatyr. Kásipkerlermen kezdesken kezde ákimshilik ister jónindegi alqa qurylatyny týraly aıttym. Buryn ol bolmaǵan. Ol alqa kásipkerlerdiń problemalaryn, ınvestıtsııalyq daýlardy qaraıdy, - dedi Prezıdent.
Sonymen birge, Memleket basshysy sýdıalardy irikteýde qandaı qasıetterine basty nazar aýdarylatynyn atady.
«Biz qazir Joǵarǵy Sot keńesiniń mártebesin aıtarlyqtaı kóterip jatyrmyz. Sýdıalardy irikteýde osy keńes sheshýshi ról atqarýǵa tıis. Biz sýdıalar korpýsyna baǵyttap jatqan adamdardyń keıbiri kásibı maman da emes shyǵar. Biraq sýdıanyń kásibı maman bolýy onyń ádil tórelik etetinine kepil bola almaıdy ǵoı. Biz korporatıvtik sektor salasynan jáne ózge de salalardan adamdardy joldaımyz. ıAǵnı, sýdıalardyń kásibı mártebesin, kásibı quramyn túrlendirý kerek. Árıne, basty ólshem parasattylyq pen adaldyq bolýy shart», - dedi Qasym-Jomart Toqaev.
