QR Prezıdenti «Shevron» kompanııasynyń basshysyn qabyldady

NUR-SULTAN. QazAqparat - QR Prezıdenti Qasym-Jomart Toqaev «Shevron» kompanııasynyń dırektorlar keńesiniń tóraǵasy jáne bas atqarýshy dırektory Maıkl Ýırtti qabyldady, dep habarlaıdy Aqorda.

Kezdesýde «Shevron» kompanııasynyń Qazaqstanmen aldaǵy ýaqyttaǵy ózara is-áreketiniń negizgi aspektileri jáne birqatar ınvestıtsııalyq jobalardy júzege asyrý máseleleri talqylandy.

Memleket basshysy men Maıkl Ýırt álemdik energetıka naryǵyndaǵy jaǵdaı týraly pikir almasty. Prezıdent «Teńizshevroıl» kompanııasynyń qosymsha 2,6 mıllıard tekshe metr gazdy ishki naryqqa baǵyttaý týraly sheshimin quptady.

Sondaı-aq «Shevron» kompanııasynyń munaı-hımııa salasyndaǵy ınvestıtsııalyq jobalardy júzege asyrýǵa qatysý perspektıvalary men Qarashyǵanaq ken ornynyń óndiris qýatyn odan ári keńeıtýdiń jospary qarastyryldy.

Foto: akorda.kz