QR Premer-Mınıstriniń birinshi orynbasary Túrikmenstanǵa bardy

ASTANA. QazAqparat - 22-23 aqpanda QR Premer-Mınıstriniń birinshi orynbasary Asqar Mamın jumys saparymen  Túrikmenstannyń Mary qalasyna bardy, dep habarlaıdy «QazAqparat» HAA QR Premer-Mınıstriniń baspasóz qyzmetine silteme jasap.

Túrikmenstan Prezıdenti Gýrbangýly Berdymuhamedovpen kezdesý barysynda aldaǵy ýaqyttaǵy ekijaqty yntymaqtastyqty damytý máseleleleri talqylandy.

«Biz eki el arasyndaǵy tereń saýda-ekonomıkalyq baılanysqa aıryqsha  mańyz beremiz. Elbasynyń  Túrikmenstanǵa jasaǵan 2017 jylǵy saparynda eki jaqty  saýda kelisimderine qol jetkizildi»,-dedi A.Mamın.

Ekijaqty yntymaqtastyqtyń basym baǵyttary retinde kólik-tranzıti, energetıka, aýyl sharýashylyǵy, mashına jasaý, temir jol ónimderin jetkizý máseleleri qaraldy. Kezdesýde áskerı-tehnıka jáne aeroǵarysh salasy da nazarǵa alyndy.

Túrikmenstan Prezıdenti óz kezeginde aımaqtyq ınfraqurylymdyq jobalardy damytýdyń mańyzdylyǵyn atap ótti.

«Túrikmenstan men Qazaqstan bir-birine tatý kórshi jáne senimdi seriktes. Biz aımaqtyq ınfraqurylymdyq jobalardy damytýǵa kúsh salýymyz kerek»,-dedi G. Berdimuhamedov.

Kezdesý barysynda taraptar Halyqaralyq Araldy qutqarý qorynyń qyzmetin talqylady.

Túrikmenstan saparynda QR Premer-Mınıstriniń birinshi orynbasary «Túrikmenstan- Aýǵanstan - Pákistan - Úndistan» gaz qubyry qurylysy kezeńiniń resmı saltanatty ashylýyna qatysty.