QR Memlekettik hatshysynyń ókilettigi keńeıtildi

NUR-SULTAN. QazAqparat – QR Memlekettik hatshysynyń ókilettigi keńeıtildi. Bul týraly QazAqparat zan.gov.kz silteme jasap habarlaıdy.

Memleket basshysynyń 25 qańtardaǵy № 787 Jarlyǵyna sáıkes Memlekettik hatshy mynadaı ókilettikterdi júzege asyrady:

Saıası partııalarmen qarym-qatynasta Qazaqstan Respýblıkasy basshysynyń saıası partııalarmen qatynasyndaǵy múddesin qorǵaıdy;

Saıası qýǵyn-súrgin qurbandaryn tolyq ońaltý jónindegi memlekettik komıssııanyń, Ulttyq qoǵamdyq senim keńesiniń jáne Jastar saıasaty keńesiniń qyzmetin úılestiredi;

Prezıdent janyndaǵy Qazaqstan strategııalyq zertteýler ınstıtýtynyń qyzmetin qadaǵalaıdy;

«Táýelsizdik urpaqtary» grantyn taǵaıyndaý jumysyn úılestiredi.

Memlekettik hatshy sondaı-aq:

Qazaqstan Respýblıkasy Prezıdentine ishki saıasat boıynsha strategııalyq usynystardy ázirleıdi;

Memleket basshysynyń tapsyrmasy boıynsha jetekshi memlekettik qurylymdarda jáne halyqaralyq platformalarda onyń múddesin qorǵaıdy;

Qazaqstan Respýblıkasy Prezıdentiniń áleýmettik-gýmanıtarlyq salalar boıynsha: bilim, ǵylym, mádenıet jáne sport máseleleri boıynsha; Memleket basshysy janyndaǵy konsýltatıvtik-keńesshi organdarda; Qazaqstan Respýblıkasynyń Tuńǵysh Prezıdenti – Elbasynyń Memlekettik Beıbitshilik jáne progress syılyǵyn berý jónindegi komıssııada; Memlekettik rámizder jáne geraldıka jónindegi vedomstvolyq jáne olarǵa teńestirilgen basqa da nagradalarmen marapattaý jónindegi respýblıkalyq komıssııada; shetelde kadrlar daıarlaý jónindegi respýblıkalyq komıssııada; ǵylym jáne tehnıka salasynda Ál-Farabı atyndaǵy Qazaqstan Respýblıkasynyń Memlekettik syılyǵyn berý jónindegi komıssııada; Qazaqstan Respýblıkasynyń ádebıet jáne óner salasynda Abaı atyndaǵy Memlekettik syılyǵyn berý jónindegi komıssııada; Qoǵamdyq sanany jańǵyrtý baǵdarlamasyn iske asyrý jónindegi Ulttyq komıssııada; Saıası qýǵyn-súrgin qurbandaryn tolyq aqtaý jónindegi memlekettik komıssııada; Ulttyq qoǵamdyq senim keńesine jáne Jastar saıasaty keńesindegi qyzmetin úılestiredi.

Qazaqstan Respýblıkasy Prezıdentiniń tapsyrmalaryna sáıkes ózge de ókilettikterdi júzege asyrady.

Jarlyq qol qoıylǵan kúninen bastap kúshine enedi.