QR Konstıtýtsııasyna – 25 jyl: Almatyda 25 túp alma aǵashy otyrǵyzyldy
Jas Otandyqtar eriktilermen birlesip aktsııa ótkizdi, shara barysynda Almaly aýdanynyń jastar skeıtparki aýmaǵynda 25 alma kóshetin otyrǵyzdy.
«Osy aktsııa arqyly biz jastardy qoǵamdyq tártipti saqtaýǵa, patrıottyq sezimderin qalyptastyrýǵa, týǵan jer men tabıǵatqa janashyrlyqpen qaraýǵa shaqyramyz. Osyndaı is-sharalar árbir adamdy óz ortasyn taza ustaýǵa jáne týǵan jerge súıispenshilikpen qaraýǵa úıretse deımiz», - deıdi «Jas Otan» jastar qanaty Almaty qalalyq fılıalynyń tóraǵasy Mádı Ahmetov
Óz kezeginde qala turǵyndary da Jas Otandyqtarǵa alǵystaryn bildirdi.
«Mundaı aktsııanyń ótkizilgeni óte jaqsy. Ýaqyt óte kele aǵashtar jemis berip, ádemi bola túsedi. Mundaı aktsııalardy jıi ótkizý qajet, bul qalanyń estetıkalyq sapasyn jaqsartady, sondaı-aq almatylyqtardy jaıaý serýendeýge shaqyratyn bir sebep», - dep atap ótti qala turǵyny Jandos Talıpov.