QR Konstıtýtsııa kúni aıasynda Astanada ótetin merekelik sharalar

ASTANA. QazAqparat - 24 tamyz kúni QR Konstıtýtsııasynyń 20 jyldyǵyn merekeleý aıasynda «ALJIR» murajaı kesheninde apta sońyna deıin jalǵasatyn «Ata zań - Táýelizdik tiregi» kórmesi ashyldy, dep jazady astana.gov.kz.

Elorda turǵyndary men qonaqtary 27 tamyzda «Atameken» Qazaqstan kartasy» etno-memorıaldy kesheninde ótetin «Ata zań - Eldik aıǵaǵym - jelbire máńgi baıraǵym» merekelik kontsertin tamashalaı alady.

28 tamyzda № 12, 4, 5 jáne № 8 kitaphanalarda tanymdyq-quqyqtyq sabaqtar ótkiziledi. Sonymen qatar, osy kúni saǵat 16:00-de Beıbitshilik pen kelisim saraıynda merekelik kontsert uıymdastyrylady.

29 tamyz kúni de astanalyqtarǵa kontserttik baǵdarlama usynylady. Atap aıtqanda, QR Konstıtýtsııasynyń 20 jyldyǵyn atap ótý aıasynda «Shekarasyz án» halyqaralyq festıvaliniń gala-kontserti ótpek.

29 tamyzda Astana saıabaqtarynda mádenıet mekemeleri shyǵarmashylyq ujymdarynyń kontserttik baǵdarlamalary uıymdastyrylady.

30 tamyzda elordanyń basty alańdarynda: qalalyq alańda, «Báıterek» monýmenti aldyndaǵy alańda jáne «Stýdenttik» saıabaǵynda merekelik kontsertter ótedi.